ប្រទេសចិនហាមឃាត់កម្មវិធី app ចំនួន១០៥ ក្នុងយុទ្ធនាការបោសសម្អាត app

ចិន៖ ប្រទេសចិនបានលុបចោលកម្មវិធីចំនួន ១០៥ ចេញពី app stores របស់ខ្លួន ដែលនេះជាផ្នែកមួយនៃយុទ្ធនាការកម្ចាត់មាតិកាដែលទាក់ទងនឹងរូបអាសអាភាស ពេស្យាចារ ល្បែងស៊ីសង និងអំពើហិង្សា។

កម្មវិធីដែលត្រូវហាមឃាត់ភាគច្រើនគឺជាកម្មវិធីចិន ប៉ុន្តែកម្មវិធីដំណើរកម្សាន្តអាមេរិក TripAdvisor ក៏ត្រូវបានបញ្ចូលក្នុងបញ្ជីផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងទៅតាមរដ្ឋបាល Cyberpace នៃប្រទេសចិន កម្មវិធីទាំងអស់នេះបានរំលោភច្បាប់អ៊ីនធឺណេត (cyber-laws) មួយ ក្នុងចំណោមច្បាប់ចំនួនបី។ តែរដ្ឋបាល Cyberpace មិនបានផ្តល់ព័ត៌មានលម្អិតអ្វីទៀតឡើយ។

ភាគច្រើននៃកម្មវិធីដែលត្រូវបង្រ្កាបពីទីក្រុងប៉េកាំងទាំងប៉ុន្មាននេះ គឺជាកម្មវិធីក្នុងស្រុក ដោយអាជ្ញាធរបាននិយាយថា ការហាមឃាត់នេះគឺឆ្លើយតបទៅនឹងមាតិកាដែលសាធារណៈជនចាត់ទុកថា "ដែលវាយប្រហារ"។

វាមិនច្បាស់ទេថា ហេតុអ្វីបានជា TripAdvisor ត្រូវបានហាមឃាត់។ យោងទៅតាម BBC សារព័ត៍មាននេះបានទាក់ទងទៅក្រុមហ៊ុនដើម្បីសុំការអត្ថាធិប្បាយដែរ ប៉ុន្តែមិនទាន់ទទួលបានការឆ្លើយតបនៅឡើយទេ៕

• ជំនួញ
• ទូរសព្ទ