ស្នាមញញឹម Taew ជាមួយសង្សារសេដ្ឋី៦ខែ មើលទៅមានក្ដីសុខ ខុសពីស្នេហា១៤ឆ្នាំ ខ្លាំងម៉្លេះ

ថៃ៖ បន្ទាប់ពីចែកផ្លូវគ្នាជាមួយអតីតសង្សារ តារាសម្ដែងស្រីមុខមានមន្តស្នេហ៍ Taew Natapohn បានបង្ហាញមុខគូសង្សាថ្មី ជាកម្លោះហាយសូរថ្មី ធ្វើឲ្យអ្នកគាំទ្រជាច្រើនភ្ញាក់ផ្អើលយ៉ាងខ្លាំង។ ក្រោយបបង្ហាញទំនាក់ទំនងស្នេហាថ្មី គេតែងតែតែឃើញតារារូបនេះ នាំគូស្នេហ៍ដើរលេង ញ៉ាំអ្វីពេលល្ងាចស្ទើរតែគ្រប់ពេលតែម្ដង។ 

មិនតែប៉ុណ្ណោះ តារាស្រីរូបនេះតែងតែបណ្ដើរគ្នាជាគូ ចូលរួមក្នុងកម្មវិធីធំៗជាញឹកញាប់ថែមទៀតផង លើសពីនេះទៅទៀត គេអាចនិយាយបានថា ស្នេហាថ្មី៦ខែ តារារូបនេះ កាន់តែបង្ហាញពីចំណងស្នេហារឹងមាំ មិនចាញ់ស្នេហា ១៤ឆ្នាំនាង និងអតតីតគូស្នេហ៍នោះទេ។ ម្យ៉ាងវិញទៀត សកម្មភាពតារាស្រីរូបនេះ និងគូស្នេហ៍ហាយសូរ រឹតតែមានភាពស្និទ្ធស្នាលចំពោះគ្នាកាន់តែខ្លាំងឡើងទ្វេដង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ បើក្រឡេកទៅមើលរូបភាពដំបូង និងរូបភាពពេលនេះ ដែល Taew Natapohn បង្ហោះសុទ្ធសឹងតែបង្ហាញនៅស្នាមញញឹមយ៉ាងមានក្ដីសុខ ពេញពេញចិត្តនឹងស្នេហាថ្មីតែម្ដង។ បើទោះបី មានអ្នកគាំទ្រមួយចំនួន មិនពេញចិត្តនឹងស្នេហាថ្មីរបស់នាងក៏ពិតមែន តែតារារូបនេះបានសម្រេចចិត្តយ៉ាងច្បាស់លាស់ ព្រមកាន់ដៃគូស្នេហ៍ថ្មីដើរទៅមុខបន្ត មិនប្រលែងឡើយ។ ក្នុងនោះដែរ គ្រប់រូបភាពទាំងថ្មី និងចាស់ ដែលតារាស្រីរូបនេះ បង្ហោះម្ដងៗ តែងផ្ដល់នៅស្នាមញញឹម និងភាពសប្បាយរីករាយ ពេលនៅក្បែរសង្សារថ្មីនេះ ពេញទំហឹងតែម្ដង៕

សូមទស្សនារូបភាពខាងក្រោម៖ 

• ស្នេហា
• រូបភាព
• តារាថៃ