Hyundai ចំណាយលុយជិត មួយពាន់លានដុល្លារ ទិញក្រុមហ៊ុនផលិតមនុស្សយន្តអាមេរិក (មានវីដេអូ)

កូរ៉េ៖ យោងតាមសារព័ត៌មាន The Korea Economic Daily បានឱ្យដឹងថាក្រុមហ៊ុន Hyundai បានទិញយកក្រុមហ៊ុន Boston Dynamics ហើយ ហើយក្រុមហ៊ុន Softbank បានយល់ព្រមលក់ក្រុមហ៊ុនផលិតរ៉ូបូតរបស់ខ្លួន ក្នុងតម្លៃ១០០លានវ៉ុន (៩១៧ លានដុល្លារ) ដែលការទិញយកត្រូវបានព្រមព្រៀងឡើង នៅឯកិច្ចប្រជុំក្រុមប្រឹក្សាភិបាលនៅថ្ងៃទី១០ ខែធ្នូ។ ក្រុមហ៊ុនទាំងពីរបានចចារគ្នាអំពីការលក់ចាប់តាំងពីដើមខែវិច្ឆិកាមកម្ល៉េះ នេះដោយផ្អែកលើរបាយការណ៍លើកមុនរបស់ Bloomberg ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Boston Dynamics ត្រូវបានគេស្គាល់ថាអ្នកបង្កើតរ៉ូបូតឆ្កែ Spot ដែលដាក់លក់នៅពាក់កណ្តាលឆ្នាំ២០២០ ក្នុងតម្លៃ៧៥,០០០ដុល្លារ។ មនុស្សយន្តមានជើងបួននេះ អាចឡើងជណ្តើរ គង្វៀលចៀម និងអូសរទេះផងដែរ។ កាលពីដើមឆ្នាំនេះ រ៉ូបូតនេះក៏បានជួយអ្នកផ្តល់សេវាថែទាំសុខភាពអ្នកជំងឺដែលត្រូវបានគេសង្ស័យថាមានជំងឺ covid ១៩ នៅមន្ទីរពេទ្យក្នុងទីក្រុងបូស្តុន។ ក្រុមហ៊ុននេះគឺនៅពីក្រោយមនុស្សយន្ត Atlas ដែលអាចឈរដោយប្រើដៃ និងលោត parkour ផងដែរ។

Boston Dynamics គឺជាវិទ្យាស្ថានបច្ចេកវិទ្យានៃរដ្ឋ Massachusetts ដែលនៅក្រោម Google ក្នុងឆ្នាំ២០១៣។ នៅឆ្នាំ២០១៧ Google បានលក់វាទៅឱ្យ Softbank ដែលមានចក្ខុវិស័យក្នុងការផលិតមនុស្សយន្តជំនាន់ក្រោយ។ ក្រុមហ៊ុន Hyundai បានវិនិយោគយ៉ាងច្រើននៅក្នុងវិស័យមនុស្សយន្ត ក្នុងរយៈពេលប៉ុន្មានឆ្នាំកន្លងមកនេះ ហើយបានប្តេជ្ញាថានឹងវិនិយោគរហូតដល់ទៅ១.៥ពាន់លានវ៉ុន (១.៤ ពាន់លានដុល្លារអាមេរិក) នៅក្នុងឧស្សាហកម្មនេះនៅឆ្នាំ២០២៥៕

• វិទ្យាសាស្រ្ត
• ជំនួញ
• វីដេអូ