ធ្លាប់ញុំាតៅហ៊ូចំហុយទេ? សាកធ្វើទៅចឹង

កម្សាន្ត៖ តៅហ៊ូ ជាគ្រឿងផ្សំដ៏សំខាន់មួយមុខដែលអាចបង្កើតទៅជាមុខម្ហូបផ្សេងបានដូចជា ឆាតៅហ៊ូ តៅហ៊ូស្ងោរ ឬតៅហ៊ូបំពងជាដើម តៅហ៊ូមានច្រើនប្រភេទ ប៉ុន្តែយើងនឹងយកតៅហ៊ូទន់មកធ្វើជាមុខម្ហូបម៉្យាងដ៏ឆ្ងាញ់ ហើយមានភាពងាយស្រួលក្នុងការចម្អិនគឺ តៅហ៊ូចំហុយ ។

គ្រឿងផ្សំ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. តៅហ៊ូទន់ ១ដុំធំល្មម

២. សាច់ជ្រូកចិញ្ច្រាំ

៣. ទឹកស៊ីអីវខាប់

៤. ទឹកប្រេងខ្យង

៥. ខ្ទឹមសចិញ្ច្រាំ

៦. ស្លឹកខ្ទឹម

៧. ម្រេចម៉ត់

៨. ប្រេងល្ង

របៀបចម្អិន៖

១. យើងត្រូវលាងតៅហ៊ូទន់ឲ្យស្អាតសិនហើយ យកវាទៅចំហុយ៥នាទី។ ក្នុងកំឡុងពេលរងចាំយើង យកខ្ទឹមសចិញ្ច្រាំទៅបំពងឲ្យឈ្ងុយហើយដួសដាក់ចាន ទុកខ្លះក្នុងខ្ទះដើម្បីចម្អិនបន្ត។

២. យើងត្រូវឆាសាច់ជ្រូកចិញ្ច្រាំ ដាក់សាច់ជ្រូកចិញ្ច្រាំចូលក្នុងខ្ទះហើយដាក់គ្រឿងដូចជា ប្រេងល្ង ទឹកស៊ីអីវខាប់ ទឹកប្រេងខ្យងឆាវាត្រលប់ចុះត្រលប់ឡើងបន្តិចហើយដាក់ទឹកចូលប្រហែល៤ស្លាបព្រាបាយ ហើយបើកភ្លើងឲ្យខ្លាំង។

៣. បន្ទាប់ពីឆាឆ្អិនហើយ តៅហ៊ូក៏ចំហុយឆ្អិនល្មម យើងយកតៅហ៊ូដាក់ក្នុងចានមួយហើយចាក់ឆាស្រោចពីលើហើយរោយខ្ទឹមសបំពងនិងស្លឹកខ្ទឹមជាការស្រេច៕

• អាហារ