តើព្រះមហាក្សត្រនៃប្រទេសម៉ាឡេស៊ី ជ្រើសរើសក្រុមណា រវាង BTS និង BLACKPINK ?

កូរ៉េខាងត្បូង ៖ ជាការពិតណាស់ BTS និង BLACKPINK គឺក្រុមចម្រៀង Kpop ដែលទទួលបានប្រជាប្រិយភាពលេចធ្លោជាងគេនាពេលបច្ចុប្បន្ននេះ។ គួរបញ្ជាក់ផងដែរថា ក្រុមទាំងពីរនេះបានបំបែកកំណត់ថ្មីៗជាច្រើន និងទទួលបានភាពជោគជ័យជាហូរហែ ដោយសារការខិតខំប្រឹងប្រែងរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងមិនត្រឹមតែហ្វេនៗ ដែលជាសាមញ្ញជនធម្មតានោះទេ ដែលស្រលាញ់ និងគាំទ្រពួកគេ សូម្បីតែព្រះមហាក្សត្រនៃប្រទេសម៉ាឡេស៊ី ព្រះនាម Al-Sultan Abdullah Ri’ayatuddin Al-Mustafa Billah Shah ក៏បានសម្ដែងព្រះទ័យបែបនេះផងដែរ ចំពោះ តារា Kpop។

ទន្ទឹមនឹងនេះផងដែរ នៅក្នុងថ្ងៃអបអរព្រះរាជពិធីអភិសេកព្រះមហាក្សត្រ ចុងក្រោយរបស់ប្រទេសម៉ាឡេស៊ីអង្គនេះ ទ្រង់មានព្រះរាជបន្ទូលថា ទ្រង់ក៏សព្វព្រះទ័យនឹងតារា Kpop ដែរ តែមិនមែនមានន័យថាទ្រង់លម្អៀងទៅខាងណាជាងនោះទេ។

កំឡុងពេលនោះ ខាងអ្នកយកព័ត៌មាន Astro Awani បានសួរទៅកាន់ព្រះអង្គថា តើទ្រង់នឹងជ្រើសរើសក្រុមណារវាង BTS និង BLACKPINK ?

ក្រោយពីព្រះសណ្ដាប់សំណួរមុននេះបន្តិច ព្រះមហាក្សត្រ Sultan Abdullah មានព្រះរាជបន្ទូលថា ក្រុមដែលទ្រង់ជ្រើសរើសនោះគឺ BTS៕

• តារាកូរ៉េ