ពេលនេះអង់គ្លេសប្រកាសពីការរកឃើញ ការឆ្លងរាលដាលវីរុសកូរ៉ូណាបំលែងពូជថ្មី នៅក្នុងប្រទេសរបស់ខ្លួន

អង់គ្លេស៖ វីរុសកូរ៉ូណាពូជថ្មីត្រូវបានគេរកឃើញថា កំពុងរាលដាលយ៉ាងរហ័សនៅផ្នែកខ្លះនៃប្រទេសអង់គ្លេស។ រដ្ឋមន្ត្រីសុខាភិបាល លោក Matt Hancock បាននិយាយថា យ៉ាងហោចណាស់មានអាជ្ញាធរមូលដ្ឋានចំនួន៦០ផ្សេងគ្នា បានកត់ត្រាពីការឆ្លងវីរុសកូរ៉ូណា ដែលបណ្ដាលមកពីការបំលែងពូជថ្មី។

លោកបាននិយាយថា អង្គការសុខភាពពិភពលោកត្រូវបានជូនដំណឹង ហើយអ្នកវិទ្យាសាស្ត្រអង់គ្លេសកំពុងសិក្សាលម្អិត។ គាត់បាននិយាយថា វាគ្មានអ្វីត្រូវថ្លែងនោះទេ វានឹងធ្វើឲ្យស្ថានភាពជំងឺកាន់តែតានតឹង ឬក៏វ៉ាក់សាំងបង្កាលែងមានប្រសិទ្ធិភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកសាស្ត្រចារ្យ Chris Whitty ប្រធានផ្នែកវេជ្ជសាស្ត្រនៃប្រទេសអង់គ្លេសបាននិយាយថា ការធ្វើតេស្ដដោយយកសំណាកពីច្រមុះបានរកឃើញវីរុសពូជថ្មី ដែលត្រូវបានគេរកឃើញជាទូទៅនៅក្នុងតំបន់ Kent និងតំបន់នៅក្បែរៗនេះ ក្នុងប៉ុន្មានសប្ដាហ៍ថ្មីៗនេះ។

ការផ្លាស់ប្ដូរឬការបំលែងពូជថ្មីទាក់ទងនឹងប្រូតេអ៊ីនរីកធំនៃវីរុស ដែលជាផ្នែកជួយឲ្យឆ្លងចូលកោសិកា។ វាហាក់ដូចជាឆាប់ពេក ក្នុងការដឹងពីលក្ខណៈនៃវីរុសនេះ។ លោកវេជ្ជបណ្ឌិត Jeremy Farrar ប្រធានមូលនិធិ Wellcome បាននិយាយថា៖ «វាពិតជាធ្ងន់ធ្ងរណាស់។ ការឃ្លាំមើលនិងការស្រាវជ្រាវត្រូវតែបន្ត ហើយយើងត្រូវចាត់វិធានការចាំបាច់ ដើម្បីឈានទៅមុខមុនវីរុសនេះ។»

រឿងមួយនេះពិតជាសំខាន់ខ្លាំងណាស់ ព្រោះវីរុសអាចបំលែងពូជបានគ្រប់ពេល។ មកដល់ពេលនេះ វាបានបន្សល់ទុកនូវភាពភ័យខ្លាចមកឲ្យយើង។ លោក Matt Hancock បាននិយាយថា ការផ្លាស់ប្ដូរទម្រង់ថ្មីនៃវីរុសកូរ៉ូណា អាចនឹងផ្សារភ្ជាប់ជាមួយនឹងការរីករាលដាលលឿនជាងនេះ នៅភាគអាគ្នេយ៍នៃប្រទេសអង់គ្លេស៕

• វិទ្យាសាស្រ្ត