កូរ៉េខាងត្បូង រកឃើញអ្នកឆ្លងកូវីដ១៩ថ្មី ជិត៩០០នាក់

សេអ៊ូល៖ ទីភ្នាក់ងារត្រួតពិនិត្យនិងបង្ការជំងឺកូរ៉េ ហៅកាត់ (KDCA) បានរាយការណ៍ថា ប្រទេសកូរ៉េខាងត្បូងបាន​រកឃើញអ្នកឆ្លង​ជំងឺកូវីដ១៩ថ្មីចំនួន ៨៨០នាក់​ នៅថ្ងៃអង្គារ ទី១៥ ខែធ្នូ ខណៈតួលេខប្រចាំថ្ងៃនៅតែបន្តកើនឡើងក្នុងកម្រិត ដែលមិនធ្លាប់មាន។

កាលពីថ្ងៃច័ន្ទមិ្សលមិញ ក្រសួងសុខាភិបាលកូរ៉េខាងត្បូង ក៏បានរកឃើញអ្នកឆ្លងកូវីដ១៩ចំនួន ៧១៨នាក់ ធៀបទៅនឹងថ្ងៃអាទិត្យ មានអ្នកឆ្លងរហូតដល់ទៅ ១,០៣០នាក់ ឯណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរជម្រាបថា ដើម្បីទប់ស្កាត់ទៅនឹងកំណើនឡើងនៃករណីឆ្លងថ្មីៗ អាជ្ញាធរកូរ៉េក៏បាន​ដាក់ចេញវិធានការបិទសាលារៀន នៅក្នុងរដ្ឋធានីសេអ៊ូល និងតំបន់នៅជុំវិញ ដោយសម្លឹងឃើញថា វិធានការ​រក្សាគម្លាត គឺហាក់មិនមានប្រសិទ្ធភាព៕