សម្តេចតេជោ ហ៊ុន សែន នៅមិនទាន់អនុញ្ញាត ឲ្យមានការជួបជុំទ្រង់ទ្រាយធំ ដូចជា កម្មវិធីឆ្លងឆ្នាំ និងការរៀបការ

ភ្នំពេញ៖ នៅព្រឹកថ្ងៃទី ១៥ ខែធ្នូ ឆ្នាំ២០២០ ជាថ្ងៃមួយ ដែលសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្សាយផ្ទាល់ ដើម្បីឲ្យប្រជាពលរដ្ឋបានជ្រាបជាដំណឹង ពាក់ព័ន្ធនឹងស្ថានភាពជំងឺកូវីដ១៩ និងការទិញវ៉ាក់សាំងជំងឺកូវីដ១៩ជាដើម។

បើតាមការមានប្រសាសន៍របស់ សម្តេចតេជោ ហ៊ុន សែន គឺសម្តេច នៅតែមិនទាន់អនុញ្ញាត ឲ្យមានការជួបជុំទ្រង់ទ្រាយធំ ដូចជា បុណ្យអូណែល កម្មវិធីឆ្លងឆ្នាំ និងការរៀបការជាដើម ដូច្នេះនៅតែមានការការពារ និងបន្តដំណើរដូចពេលបច្ចុប្បន្នសិន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរ ពាក់ព័ន្ធនឹង  «ព្រឹត្តិការណ៍សហគមន៍២៨វិច្ឆិកា»  មកទល់ពេលនេះ ប្រទេសកម្ពុជា អាចគ្រប់គ្រងបានមែន តែមិនទាន់បញ្ចប់ទាំងស្រុងនោះទេ ហើយក៏មិនអាច ធ្វើការធ្វេសប្រហែសនោះឡើយ ព្រោះខ្លាចជំងឺកូវីដ១៩  នៅតែបាំងនៅតំបន់ត្រង់ណាមួយ ដូច្នេះសម្តេចតេជោ នៅតែណែនាំឲ្យប្រជាពលរដ្ឋ ឲ្យមានការពារឲ្យបានល្អដដែល៕