GFriend គឺជាក្រុម Kpop នារីដំបូងគេ ដែលត្រូវបានអញ្ជើញចូលរួមក្នុងព្រឹត្តិការណ៍ Grammy!

កូរ៉េខាងត្បូង ៖ ក្រុមច្រៀងនារី GFriend ទទួលបានការគាំទ្រខ្លាំងគួរឲ្យកត់សម្គាល់ តាមរយៈទេពកោសល្យរបស់ពួកគេ។ សូមបញ្ជាក់ផងដែរថា ក្រៅពីមានសមត្ថភាពខ្ពស់ រួមមានការសម្ដែង ការរាំ និងការច្រៀង ជាពិសេសទៅទៀតនោះ រូបសម្បត្តិរបស់ពួកគេក៏មានភាពទាក់ទាញមិនអន់ឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់កាលពីពេលថ្មីៗនេះ ក្រុម GFriend បានក្លាយជាក្រុមចមៀង Kpop នារីដំបូងគេបង្អស់ ដែលត្រូវអញ្ជើញឲ្យចូលរួម ក្នុងបទសម្ភាសន៍ពិសេស ជាមួយលោក Mark Conklin ក្នុងព្រឹត្តិការណ៍ Grammy Museum’s Mini Masterclass ។

ស្របនឹងនេះដែរ កម្មវិធីនេះធ្វើឡើងដើម្បីឲ្យសិល្បករក្នុងឧស្សាហកម្មតន្រ្តី បានចែករំលែកបទពិសោធន៍រៀងៗខ្លួន អំពីតន្ត្រី និងការជះឥទ្ធិពលដល់យុវជនសម័យថ្មី។

ជាក់ស្ដែង តាមរយៈ Video chat សមាជិកម្នាក់ៗបាននិយាយអំពីប្រធានបទផ្សេងៗគ្នា រួមទាំងគុណសម្បត្តិនានាដែលពួកគេទទួលបានជោគជ័យ នៅក្នុងការងារ និងដើម្បីបំផុសគំនិតតាមរយៈតន្ត្រី ឲ្យក្លាយជាដំបូន្មានល្អៗសម្រាប់មនុស្សសម័យថ្មីដែលចង់រៀនស្វែងយល់ពីតន្ដ្រី៕

• តារាកូរ៉េ