មកមើលតម្លៃឈុត BTS ពាក់ហាត់សមកម្មវិធី MAMA! តែរួមគ្នាទៅ មិនស្មើអាវក្រៅរបស់ Jimin ផង

កូរ៉េខាងត្បូង ៖ កាលពីកម្មវិធី MAMA ២០២០ កន្លងទៅ BTS ក៏បានចូលរួមសម្តែង នៅលើឆាកតន្ត្រីដ៏អស្ចារ្យនេះដូចគ្នា ជាមួយនឹងបទ ON ។ ឥលូវនេះ វីដេអូហាត់សមរាំសម្រាប់ព្រឹត្តិការណ៍នោះ ក៏ត្រូវបានចេញផ្សាយ ធ្វើឲ្យអ្នកគាំទ្រចាប់អារម្មណ៍យ៉ាងខ្លាំង ដោយហេតុផលផ្សេងៗគ្នា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ BANGTANTV ទើបតែបានបញ្ចេញវីដេអូ ក្រុម​ BTS ហាត់រាំសម្រាប់កម្មវិធី MAMA ២០២០ ក្រៅពីសរសើលើសមត្ថភាព​ និងវិជ្ជាជីវៈរបស់ពួកគេហើយ អ្នកគាំទ្រក៏បានចាប់អារម្មណ៍ទៅលើ ឈុតសម្លៀកបំពាក់របស់ពួកគេផងដែរ ។ បន្ទាប់ពីធ្វើការស្រាវជា្រវរួចមក​ BTS Fashion ក្នុងបណ្តាញសង្គម Twitter @BangtanStyle07 បានចែករំលែកថ្លៃដើម សម្រាប់សំលៀកបំពាក់ របស់សមាជិកនីមួយៗ។ 

១. Suga

Suga កំពុងសម្រាកបន្ទាប់ពីការវះកាត់ស្មា លោក​មិនអាចចូលរួមសម្តែងបានទេ ប៉ុន្តែសមាជិកបាននាំយករូបថតនៃសម្លៀកបំពាក់ Dynamite របស់លោកទៅ វាមានតម្លៃសរុប ៣,០៥៣.៨៤ ដុល្លារ។

២. V

ជាមួយគ្នានេះ អាវយឺត និងកន្សែងរបស់ V មានតម្លៃ ១,២៨៩ ដុល្លារ ប៉ុន្តែយើងមិនទាន់ដឹងពីតម្លៃនៃឈុតក្រៅរបស់លោកនោះទេ តម្លៃរបស់ឈុតនោះប្រាកដជាមិនធម្មតានោះទេ ។

៣. Jungkook

សម្លៀកបំពាក់របស់ Jungkook ​មានលក្ខណៈធម្មតា និងមានតម្លៃសមរម្យត្រឹមតែ ២៧០ ដុល្លារប៉ុណ្ណោះ។

៤. RM

អាវខ៊ូបយក្រៅរបស់ RM និង ស្បែកជើងម៉ាក Vans មានតម្លៃសរុប ១,៣៦៥ ដុល្លារ ។

៥. Jin

ដូចគ្នានឹង RM ដែរ Jin ​បានជ្រើសរើសស្លៀកសម្លៀកបំពាក់អាវសាច់ក្រណាត់ និងខោខ៊ូបយ។ សម្លៀកបំពាក់របស់លោកមានតម្លៃ ២០០០ ដុល្លារ។

៦. J-Hope

១,៤៧៦ ដុល្លារ គឺជាថ្លៃដើមដែលរួមបញ្ចូលគ្នា នៃសម្លៀកបំពាក់ហាត់រាំបែបភ្លឺ និងទាន់សម័យរបស់ J-Hope ។

៧. Jimin

អាវក្រៅម៉ាក Mastermind World របស់ Jimin មានតម្លៃដល់ទៅ ៩,៥០០ ដុល្លារ! រួមបញ្ចូលជាមួយស្បែកជើងរបស់លោក ទាំងអស់មានតម្លៃ ១០,១៤៥ ដុល្លារ (ហើយវាក៏មិនបានរាប់បញ្ចូលទាំងខោនោះទេ!)។ 

តម្លៃសម្លៀកបំពាក់រួមរបស់សមាជិកទាំងអស់គឺ ៩,៤៥៣.៨៤ ដុល្លារ តែវាតិចជាងអាវក្រៅរបស់ Jimin ​ចំនួន ៤៦,១៦ ដុល្លារ៕  

• តារាកូរ៉េ