Suzy ពន្យារពេលការប្រគុំតន្រ្តី A Tempo ព្រោះកូវីដ១៩

កូរ៉េខាងត្បូង ៖ នៅថ្ងៃទី១៩ ខែធ្នូ មុននេះបន្តិច ខាងប្រព័ន្ធផ្សព្វផ្សាយ Management SOOP បានប្រកាសថា ការប្រគុំតន្រ្តី A Tempo របស់ Suzy ត្រូវពន្យាពេលហើយ។ សូមបញ្ជាក់ផងដែរថា ការប្រគុំតន្រ្តី Online concert នេះធ្វើឡើងដើម្បីអបអរសាទរគម្រប់ខួប ១០ឆ្នាំដែល Suzy បានចូលប្រឡូកក្នុងវិថីសិល្បៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ កម្មវិធីនេះគ្រោងនឹងធ្វើឡើងនៅថ្ងៃទី ២៣ ខែ ធ្នូ​​ ខាងមុខនេះហើយ ប៉ុន្ដែដោយមានការព្រួយបារម្ភ ចំពោះការរីករាលដាលកាន់តែច្រើនឡើងនៃជំងឺ កូវីដ-១៩ ក្នុងទីក្រុង សេអ៊ូល ប្រទេសកូរ៉េខាងត្បូងនៅមិនទាន់អាចគ្រប់គ្រង។ ហេតុនេះ ទើបចាំបាច់ត្រូវតែពន្យាពេល ដើម្បីរក្សាសុវត្ថិភាពក្រុមការងារ និងបុគ្គលិកទាំងអស់។

ជាក់ស្ដែង តាមប្រភពព័ត៌មានខាងលើបានបញ្ជាក់ផងដែរថា Suzy នឹងធ្វើការប្រគុំតន្រ្ដី A Tempo នៅថ្ងៃទី ២៣ ខែ មករា ឆ្នាំ ២០២១ វិញ​៕

• តារាកូរ៉េ