នៅលើកលោកយើងនេះ មានមនុស្សស្រីស្ទើរតែ៧០%ហើយ ដែលនាងមានជីវិតមិនមានសំណាងនៅក្នុងរឿងជីវិតគូ នេះមកពីហេតុផលគឺនាងមានស្វាមីដែលមិនល្អ នាងទទួលបានដៃគូជីវិតដែលមិនគាប់ចិត្ត។ ដូច្នេះ បើស្វាមីទាំងឡាយចង់ក្លាយជាបុរសដ៏ល្អពិតប្រាកដ វាមិនមានអ្វីដែលលំបាកនោះឡើយ ត្រឹមតែអ្នកអាចមើលថែភរិយា ឱ្យនាងក្លាយជានារីដែលមានសំណាង ដែលមានមនុស្សស្រីជាច្រើនច្រណែននឹងនាង ធ្វើបានតែប៉ុណ្ណឹង អ្នកនឹងក្លាយជាស្វាមី និងជាបុរសដ៏ល្អបំផុតហើយ។

រុបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែយ៉ាងណាក៏ដោយ ក្នុងនាមជាបុរសល្អ គឺត្រូវតែមានគុណធម៌ ព្រហមវិហារធម៌ ជាពិសេសគឺ ភាពកត្តញ្ញូចំពោះមាតាបិតា ដែលជាអ្នកមានគុណដ៏ធំធេងរបស់អ្នក។ ហើយមួយជីវិតរបស់អ្នក អ្នកនឹងត្រូវមានម្ដាយឪពុកយ៉ាងហោចក៏ ៤នាក់ដែរ នោះគឺឪពុកម្ដាយបង្កើត និងឪពុកម្ដាយក្មេក។ មិនថាអ្នកជាកូនបង្កើត ឬកូនប្រសារទេ ដរាបណាអ្នកប្រតិបត្តិខ្លួនចំពោះអ្នកមានគុណបែបណា ភរិយា និងកូនៗរបស់អ្នក​ក៏សម្ដែងនូវសេចក្ដីគោរពចមពោះអ្នក និងម្ដាយឪពុកអ្នកបែបហ្នឹងដូចគ្នាដែរ។

រុបតំណាង

បុរសដ៏ល្អពិតប្រាកដ ត្រូវតែមានសេចក្ដីអំណត់ អត់ធ្មត់ សង្កត់ចិត្ត មានកម្រិតយល់ដឹង និងការរស់នៅប្រកបដោយសេចក្ដីថ្លៃថ្នូរ ស្មោះត្រង់ ទៀងត្រង់ ចំពោះក្រុមគ្រួសារ។ រឹតតែសំខាន់ជាងនេះគឺ ទំនួលខុសត្រូវនៅក្នុងជីវិត និងមនុស្សក្នុងបន្ទុកគ្រួសារផងដែរ។ អ្នកត្រូវដឹងថា ការបង្កើតគ្រួសារ មិនមែនត្រឹមតែរៀបការ រួចមានប្រពន្ធកូនក៏ហៅថាល្អនោះឡើយ លុះត្រាតែអ្នកអាចផ្ដល់ក្ដីសុខ សុភមង្គល ភាពកក់ក្ដៅ និងអារម្មណ៍សុវត្ថិភាពដល់ប្រពន្ធកូន ទើបហៅថាគ្រួសារដ៏មានន័យ៕

រុបតំណាង

ខ្មែរឡូតសូមរក្សាសិទ្ធិ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]