​ហ្វេនចាប់អារម្មណ៍ខ្លាំង ក្រោយឃើញ Moonbyul សមាជិកក្រុម MAMAMOO ក្នុងឈុតបុរាណកាលពីយប់មិញ (មានវីដេអូ)

កូរ៉េខាងត្បូង៖ ក្រុមតារាចម្រៀងស្រី MAMAMOO ទទួលបានការអញ្ចើញទៅសម្តែងនៅក្នុងកម្មវិធី KBS Gayo Daechukje ( KBS Song Festival ) កាលពីម្សិលមិញនេះ វាជាការសម្តែងដ៏អស្ចារ្យ ដែលទទួលបានការស្ញើចសរសើរយ៉ាងច្រើន ជាពិសេស Moonbyul សមាជិកក្រុម MAMAMOO ផ្ទាល់តែម្តង ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ ក្រុម MAMAMOO បានរួមគ្នាសម្តែង បទ Maria និង​ AYA ដ៏កក្រើកឆាកតន្ត្រី តែអ្វីដែលធ្វើឲ្យអ្នកគាំទ្រចាប់អារម្មណ៍ខ្លាំងនោះគឺ សម្លៀកបំពាក់របស់ Moonbyul ព្រោះវាជាឈុតប្រពៃណីបុរាណរបស់ជនជាតិកូរ៉េផ្ទាល់ ។

ជាក់ស្តែង ឈុតបុរាណដែល Moonbyul បានពាក់កាលពីម្សិលមិញ គឺវាបានកែច្នៃរួមចូលគ្នារវាង សម្លៀកបំពាក់បុរស និងនារី ហើយវាក៏មានភាពស្រដៀងទៅនឹង ឈុតបុរាណរបស់ស្តេចមួយអង្គដែរ ដោយសារតែនិមិត្តសញ្ញាពណ៌មាស ទៅនឹងឈុតពណ៍ក្រហមរបស់នាង ។

ទន្ទឹមនឹងនេះ Moonbyul​ ផ្ទាល់ ក៏ធ្លាប់បាននិយាយដែរថា នាងចូលចិត្តឲ្យគ្រប់គ្នាសរសើរថា «សង្ហា» ជាជាង «ស្អាត» ហេតុផលព្រោះមានតារាស្រីដែលស្អាតៗជាច្រើន តែមិនទាន់មានតារាស្រី ណាដែលសង្ហានោះទេ ។ គួរបញ្ជាក់ផងដែរថា នេះមិនមែនជាលើកទី ១​ ទេ ដែល Moonbyul ឡើងសម្តែងដោយ សម្លៀកបំពាក់ បុរាណបែបកែច្នៃ លាយគ្នាស្រដៀងនឹងឈុតបុរសបែបនេះនោះ ៕

ជ្រាបកាន់តែច្បាស់ សូមទស្សនាវីដេអូខាងក្រោម ៖

• តារាកូរ៉េ