កម្មវិធី SBS Entertainment Awards លេងមួយក្បាច់នេះ ដាច់ចង្កេះតែម្ដង!

កូរ៉េខាងត្បូង ៖ កាលពីថ្ងៃទី១៩ ខែធ្នូ ឆ្នាំ ២០២០ កន្លងទៅថ្មីៗនេះ ខាងកម្មវិធីប្រគល់ពានរង្វាន់ 2020 SBS Entertainment Awards បានធ្វើឲ្យមហាជនមានការផ្អាក់ផ្អើលយ៉ាងខ្លាំង ពេលឃើញរូបភាពក្នុងកម្មវិធីនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ ដោយសារបញ្ហាជំងឺរាតត្បាត កូវីដ-១៩ នៅប្រទេសកូរ៉េខាងត្បូង កាន់តែមានការរីករាលដាល ទើបខាងកម្មវិធីប្រគល់ពានរង្វាន់មួយនេះ ធ្វើទង្វើរគួរឲ្យអស់សំណើចបែបនេះ ដើម្បីចូលរួមការពារខ្លួន ក៏ដូចជារក្សាគម្លាតសង្គម។

សូមបញ្ជាក់ផងដែរថា ដើម្បីរក្សាគម្លាត និងចូលរួមការពារខ្លួន ទើបខាងកម្មវិធី ប្រគល់ពានជូនសិល្បករតាមរយៈ ដងវែងមួយ ហើយឲ្យសិល្បករទាំងនោះពាក់ម៉ាស់ មានរូបភាពដូចជាពួកគេកំពុងញញឹមបែបនេះ ធ្វើឲ្យបណ្ដាអ្នកគាំទ្រគាំង ហួសចិត្តមិនតិចទេ។

ជាមួយគ្នានេះដែរ មហាជនក៏នាំគា្ននិយាយថា កម្មវិធី SBS Entertainment Awards ធ្វើបែបនេះដូចជាលេងសើច ចំពោះ Kpop Idols ពេកហើយ ទោះបីជាធ្វើនេះដើម្បីរក្សាសុវត្ថិភាពក៏ដោយ៕

ចុះប្រិយមិត្ត យល់យ៉ាងណាដែរ?

• តារាកូរ៉េ