ចៀវៃ ជះលុយមិនចេះតិច ទិញរបស់ប៊្រេនៗសម្រាប់កូនស្រី

តៃវ៉ាន់៖ កាលពីពេលថ្មីៗនេះ យោងតាមទំព័រ Sohu បានរាយការណ៍ថា តារាសម្ដែងស្រី Ruby Lin ហៅ ចៀវៃ បានបង្កឲ្យមានការភ្ញាក់ផ្អើល បន្ទាប់ពីបានបង្ហោះស៊េរីរូបថតនៅលើបណ្ដាញសង្គម ដែលជារូបភាពកាបូប និងកាបូបស្ពាយ ពីប៊្រេនធំៗ សម្រាប់ជាកាដូដល់កូនស្រីតូចរបស់នាង រហូតដល់មានមនុស្សជាច្រើនបានដឹងថាកាបូបពណ៌ផ្កាឈូកមួយនៅក្នុងការបង្ហោះនោះ គឺជាកាបូបដែលមានការរចនាចុងក្រោយបំផុត ព្រមទាំងមានតម្លៃជិត ២០០០ ដុល្លា។

យ៉ាងណាមិញ នេះមិនមែនជាលើកទី ១ នោះទេ ដែល Ruby Lin បានធ្វើបង្កភាពភ្ញាក់ផ្អើលជាមួយនឹងកាដូដ៏មានតម្លៃបំផុតដល់កូនស្រីនាង ព្រោះមុននោះទៀត នាងក៏បានធ្វើឲ្យមានភាពរំជើបរំជួល ក្រោយពេលបានបង្ហាញរូបភាពចាន ស្រោបមាស ដែលបានប្រើសម្រាប់ដាក់ បបរ ឲ្យកូនស្រីរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលកាន់តែពិសេសថែមទៀតនោះគឺ តារាស្រីរូបនេះ ថែមទាំងបានបញ្ជាក់នៅក្នុងព្រឹត្តិការណ៍មួយថា គ្រឿងអលង្ការទាំងមូលរបស់នាង ដែលមានតម្លៃយ៉ាងច្រើនសន្ធឹកសន្ធាប់ នាងក៏បានសម្រេចចិត្ត ឲ្យទៅកូនស្រីនាង ផងដែរ ហើយនេះគឺជាការបង្ហាញមួយ ដែលធ្វើឲ្យមនុស្សជាច្រើននឹកស្មានមិនដល់ ថាកូនស្រីនាងទើបតែមានអាយុតិចនៅឡើយ តែក៏ទទួលបានទ្រព្យសម្បត្តិយ៉ាងច្រើនបែបនេះ ៕​

សូមទស្សនារូបភាពខាងក្រោម៖

• តារាចិន