សង្ស័យលួងសង្សារមិនបាត់ខឹង New Wongsakorn យកជីងចក់មកបន្លាចថែម

ថៃ៖ ស្នេហាខុសវ័យរហូតទៅដល់ ១២ឆ្នាំរបស់ តារាសម្តែងប្រុស លោក New Wongsakorn និងតារាសម្ដែងស្រី កញ្ញា Now Tisanart កំពុងតែមានភាពផ្អែមល្ហែម ពីមួយថ្ងៃទៅមួយថ្ងៃ តាមរយៈការបង្ហោះ ពីសកម្មភាពរស់នៅយ៉ាងមានសេចក្តីសុខ ក៏ដូចជាមានសុភមង្គល នៃស្នេហារបស់ពួកគេ។

យ៉ាងណាមិញ ជាថ្មីម្តង នៅលើគណនី អ៊ីនស្តារក្រាមជាផ្លូវការ​របស់ តារាសម្តែងប្រុសរូបនេះ បានបង្ហោះរូបភាព ពីសកម្មភាពជិវិតប្រចាំរបស់លោក​ជាមួយគូស្នេហ៍ តែលើកនេះខុសសព្វរាល់ដង​ ជាមួយរូបថតប៉ុន្មានសន្លឹក  បានឃើញហើយ ធ្វើឲ្យមហាជនទប់សំណើចមិនបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងទៅតាមរូបភាពទាំងនោះ តារាប្រុសរូបនេះ​មិនដឹងយកកូនសត្វជីងចក់ មកពីណា យកមកបន្លាច តារាសម្តែងស្រី Now Tisanart ដែលជាសង្សាររបស់ខ្លួន កំពុងតែគេងដណ្ដប់ភួយ បានធ្វើឲ្យរូបនាង មានការភិតភ័យ ស្លន់ស្លោរ ជាមួយទឹកមុខបែបកំប្លែងៗ ឃើញចង់តែអស់សំណើចជាងខ្លាំង។

លើសពីនេះទៀតសោត រូបភាពទាំងនេះ បានធ្វើឲ្យ អ្នកលេងបណ្តាញសង្គមមួយនេះ មានការហួសចិត្តណាស់ដែរ ជាមួយគូស្នេហ៍ខុសជំនាន់មួយនេះ ដែលចេះរកនឹកឃើញ ចូលចិត្តលេងអីប្លែកៗ  យ៉ាងណាមិញ ទោះបីជាអាយុរាងជ្រេបន្តិច តែមើលទៅ អ្នកទាំងពីរ ចូលចិត្តលេងអ្វីបែបលេងសើច ដូចគូស្នេហ៍ក្មេងៗដទៃទៀតដូច្នេះដែរ៕

សូមទស្សនារូបភាពខាងក្រោម៖

• តារាថៃ