Jihyo មិនអាចទប់អារម្មណ៍រំភើបបានទេ ពេលជួប Sana ក្រោយនៅដាច់ដោយឡែក ១៤ថ្ងៃ!

កូរ៉េខាងត្បូង ៖ ប្រិយមិត្តច្បាស់ជាជ្រាបរួចមកហើយ អំពីការរស់នៅរបស់សិល្បករក្នុងវិស័យ Kpop ចាប់តាំងពីនៅហ្វឹកហាត់មក គឺពួកគេត្រូវរស់នៅជាមួយគ្នា ជាពិសេសពេលដែលពួកគេបាន Debut រួច ការចូលរួមកម្មវិធីផ្សេងៗ ការញ៉ាំ និងគេង គឺតែងនៅជាមួយគ្នាជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រុមតារាចម្រៀង​ស្រី TWICE ក៏ដូច្នេះដែរ ពួកគេតែងតែរស់នៅ និងធ្វើអ្វីៗជាមួយគ្នា ហើយនៅពេលដែលពួកគេត្រូវឃ្លាតពីគ្នា រយៈពេលយូរនោះ ប្រាកដជាមានការនឹករលឹកគ្នាខ្លាំងជាមិនខាន។

ទន្ទឹមនឹងនេះ Sana សមាជិកក្រុម TWICE បានធ្វើឲ្យ​ Jihyo រំភើបចិត្តយ៉ាងខ្លាំង ក្រោយបានជួបគ្នាវិញ បន្ទាប់ពី Sana ត្រូវដាក់ឲ្យនៅដាច់ដោយឡែករយៈពេល ១៤ថ្ងៃ។

ស្របគ្នានេះ នៅថ្ងៃទី ២០ ខែ ធ្នូ នេះ Sana បានធ្វើឲ្យអ្នកគាំទ្រលែងព្រួយបារម្ភ ក្រោយបានបញ្ចេញវីដេអីមួយ នៅលើបណ្តាញសង្គម Instagram ផ្លូវការរបស់ TWICE ដែលបង្ហាញពីការដែល Sana​ រត់ទៅជួបជាមួយនឹង Jihyo ដំបូងគេ។ ក្នុងពេលនោះ Jihyo ពិតជារំភើបចិត្តជាខ្លាំង ហើយនាងមិនអាចលាក់អារម្មណ៍រំភើបនោះបានទេ។

គួរបញ្ជាក់ផងដែរថា Sana ត្រូវបានដាក់ឲ្យនៅដាច់ដោយឡែកចំនួន ១៤ថ្ងៃ ក្រោយបានប៉ះពាល់ផ្ទាល់ជាមួយនឹង Chungha ដែលបានធ្វើតេស្តរកឃើញ វិជ្ជមាន កូវីដ-១៩ កាលពីពេលថ្មីៗកន្លងទៅនេះ៕

View this post on Instagram

A post shared by TWICE (@twicetagram)

• តារាកូរ៉េ