យល់ដឹង៖ ជាការពិត នៅខណៈពេល ដែលឆ្នាំថ្មី ជិតចូលមកដល់ មានមនុស្សជាច្រើន តែងតែមានត្រៀម ទិញជាកាដូរ ទុកជូនទៅកាន់ សមាជិកក្នុង ក្រុមគ្រួសារ គូរស្នេហ៍ មិត្តភក្តិជិតស្និទ្ធ រួមទាំង មិត្តរួមការងារ ដើម្បីទុកជា ការដឹងគុណ ការគោរព និងក៏ដូចជា ដើម្បីបង្ហាញពី ក្តីស្រលាញ់ចំពោះគ្នា ទៅវិញទៅមកផងដែរ។
ក៏ប៉ុន្តែ ក្នុងចំណោម របស់ជាច្រើននោះ ក៏មានរបស់ខ្លះ ដែលតាមអបិយជំនឿ គេជឿជាក់ថា វាមិនគួរ យកមកធ្វើជា កាដូរផ្តល់ជូន ឲ្យគ្នានោះទេ។ កាដូរមាន អត្ថន័យសំខាន់ ខ្លាំងណាស់សម្រាប់ អ្នកគ្រប់គ្នា។ ហេតុនេះ មុននឹងសម្រេចទិញ របស់អ្វីមួយធ្វើជា កាដូទៅឲ្យ នរណាម្នាក់ត្រូវគិត ឲ្យបានច្បាស់លាស់ ជាមុនសិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សព្រោះជាទូទៅ មនុស្សខុសគ្នា ការយល់ឃើញ ក៏ខុសគ្នា អ្នកខ្លះជឿជាក់ខ្លាំង លើរឿងបែប អបិយជំនឿ។ ជាក់ស្តែង អំណោយខ្លះ ពិតជាមានអត្ថន័យ អពមង្គលជាខ្លាំង ទៅកាន់អ្នកដែលបាន ទទួលវា ហេតុនេះ អ្នកត្រូវតែដឹងថា មិនមែនរបស់ទាំងអស់ សុទ្ធតែអាចយកមក ធ្វើជាកាដូ បានទាំងអស់នោះទេ។ កាដូជា អាវុធមុខពីរ វាអាចធ្វើឲ្យ អ្នកទទួលក្តីស្រលាញ់ ពេញចិត្តអ្នកកាន់តែខ្លាំង ក៏ប៉ុន្តែវាក៏អាច ធ្វើឲ្យគេស្អប់ អ្នកបានដូចគ្នាដែរ។
តោះមកដឹងថា របស់អ្វីខ្លះដែល អ្នកមិនគួរទិញ យកមកធ្វើជា កាដូរឲ្យទៅកាន់អ្នកដទៃ៖
១. ឆ័ត្រ
ប្រសិនបើ អ្នកកំពុងតែ គិតចង់ទិញ កាដូទៅឲ្យ មិត្តភក្តិរបស់អ្នក ដូច្នេះពេលនេះ អ្នកគួរគិតសារ ឡើងវិញ។ យោងទៅតាម ប្រជាជនចិន ការដែលទិញ ឆ័ត្រធ្វើជាកាដូឲ្យទៅនរណាម្នាក់នោះគឺ មានន័យថា ទំនាក់ទំនងរបស់អ្នក នឹងខិតជិតទៅកាន់ ការបែកបាក់ហើយ។ លើសពីនេះ វាក៏មិនគួរជា អំណោយដែល ផ្តល់ឲ្យក្នុង ថ្ងៃរៀបការដែរ។ ដូច្នេះ អ្នកគួរតែចៀសវាងជា ការប្រសើរជាង ចំពោះអំណោយដែល គ្មានសំណាងនេះ ក្នុងឳកាសពិសេស ណាមួយរបស់អ្នក។ បើទោះបីវា ពិតជាមានសារៈសំខាន់ នៅក្នុងរដូវកាល ធ្លាក់ភ្លៀងឬយ៉ាងណា ក៏ដោយ។
២. នាឡិកា
ការដែលទិញ នាឡិកាធ្វើជា កាដូរជូននរណាម្នាក់ មានន័យថា អ្នកកំពុងតែប្រាប់ ពួកគេថាពេលវេលារបស់ ពួកគេបានមកដល់ ហើយវាប្រៀបដូចជា ការជូនពរឲ្យ ពួកគេឆាប់ ស្លាប់បែបនេះដែរ។ នៅប្រទេសចិន មនុស្សគ្រប់គ្នា ចៀសវាងការទិញ នាឡិកាធ្វើជា អំណោយខ្លាំងណាស់។ ហេតុនេះ នាឡិកាមិនមែនជា គំនិតល្អទេ ប្រសិនបើអ្នក មានគម្រោងនឹង ទិញជាកាដូរអំណោយ ជូនមនុស្សជាទី ស្រលាញ់ ឳពុកម្តាយឬ មិត្តភក្តិរបស់អ្នកនោះ។
៣. កន្ត្រៃ
ការទិញកន្ត្រៃ ធ្វើជាកាដូរគឺ ជាប្រផ្នូលមិនល្អមួយនេះ បើយោងទៅតាម គេហទំព័រOdd Random Thoughts គេជឿថាកាជូនកន្ត្រៃ ធ្វើជាអំណោយគឺ មានន័យថា អ្នកបានកាត់ផ្តាច់ នៅទំនាក់ទំនង នោះហើយ។ ហើយតាមជំនឿ មួយទៀតជឿជាក់ថា ប្រសិនបើអ្នកទទួល កាដូរជាកន្ត្រៃ ក្នុងថ្ងៃមង្គលការនោះ ក៏មានន័យថា ពិធីបុណ្យសព ក៏ជិតចូល មកដល់ផងដែរ។
៤. កន្សែងដៃ
កន្សែងដៃ ត្រូវបានគេយល់ថា ជាអំណោយដែលមិនល្អ គេជឿជាក់ថា ការផ្តល់អំណោយ ជាកន្សែងដៃនឹងនាំ មកនូវសំណាងអាក្រក់ និងអពមង្គល។ ព្រោះកន្សែងដៃ គេប្រើដើម្បីជូតទឹកភ្នែក ដូច្នេះប្រសិនបើ អ្នកណាម្នាក់ទទួល កន្សែងដៃជា កាដូរនឹងធ្វើឲ្យ អ្នកនោះជួបតែ បញ្ហានឹងជួបរឿង ពិបាកចិត្តយំ រហូតផងដែរ។
៥. វត្ថុដែលមានពណ៌ខ្មៅស
មនុស្សបុរាណ ចាត់ទុកថាពណ៌ខ្មៅ និងសគឺជា និមិត្តរូបនៃ ការឈឺចាប់ និងទុក្ខព្រួយ ដែលត្រូវបានគេច្រើន ប្រើនៅក្នុងពិធីកាន់ទុក្ខ។ មនុស្សភាគច្រើន តែងតែពាក់សម្លៀកបំពាក់ ពណ៌ខ្មៅនិងស នៅឯងពិធីបុណ្យសព ដូច្នេះវាជាការប្រសើរ ប្រសិនបើ អ្នកចៀសវាងកាដូ ដូចជាសម្លៀកបំពាក់ ឬវត្ថុផ្សេងៗដែលមាន ពណ៌សនិងខ្មៅ។
៦. ស្បែកជើង
អ្នកអាចគិតថា មើលទៅវាឆ្កួតៗ មិនគួរឲ្យជឿ តែចំពោះជំនឿនៃ ការជូនស្បែកជើង ធ្វើជាកាដូរនេះ បើនៅប្រទេសចិន គេចៀសវាងដាច់ខាត តែម្តងជាពិសេសទិញ ជាកាដូរក្នុងថ្ងៃ ចូលឆ្នាំចិនព្រោះ វាត្រូវបានគេជឿថា វានឹងនាំមក នៅសំណាងអាក្រក់។
៧. កញ្ចក់
មនុស្សភាគច្រើន ផ្តល់កញ្ចក់ធ្វើជា អំណោយក្នុង ពិធីមង្គលការ ហើយប្រសិនបើ កញ្ចក់នោះបែក មានន័យថាជា សំណាងអាក្រក់ រហូតដល់ទៅ រយៈពេល៧ឆ្នាំ។ យោងទៅតាម ជំនឿមួយចំនួនជឿជាក់ថា នៅពេលដែលកញ្ចក់ មានន័យថាព្រលឹង របស់យើងក៏ត្រូវបាន បំបែកទៅជាបំណែក។ ដូច្នេះប្រសិន បើកញ្ចក់នោះបែក មានន័យថាមាន គ្រោះថ្នាក់ដល់ព្រលឹងរបស់អ្នក វាស្តាប់ទៅហាក់ដូចជា អបិយជំនឿខ្លាំង តែនេះគេជឿថា ជាការពិត។
៨. ផ្កា
ផ្កាគឺជាអំណោយ ដ៏ពេញនិយមទៅហើយ នៅពេលដែលនរណាម្នាក់ ចង់ផ្តល់ជាកាដូរ ក៏ដូចជាចូលរួម អបអររឿងអ្វីមួយ ទៅកាន់នរណាម្នាក់។ ប៉ុន្តែជាទូទៅ មនុស្សបែរជា ភ្លេចគិតពីការពិត ដែលនៅពីក្រោយ ផ្កាទាំងនោះទេ។ ជាក់ស្តែង ផ្កាអាចជូនជាកាដូ តែធ្វើក៏ត្រូវបាន គេយកទៅចូលរួម ក្នុងពិធីបុណ្យសព ដូចគ្នាដែរ។ ហេតុនេះ ការជ្រើសរើសពណ៌ និងប្រភេទនៃផ្កា ជារឿងសំខាន់មួយ ប្រសិនបើអ្នក ពិតជាចង់ទិញផ្កា យកមកធ្វើជា កាដូជូននរណាម្នាក់មែន។ ឧទាហរណ៍៖ ផ្កាកុលាប លីលី ពណ៌ស, ផ្កាអ័រគីដេរ ជាដើម។
៩. ទាន
យោងទៅតាម ការលើកឡើងរបស់ មនុស្សមួយចំនួន បានលើកឡើងថា ប្រសិនបើអ្នកឲ្យទាន ដល់នរណាម្នាក់ នោះអ្នកក៏កំពុងតែ ដុតទំនាក់ទំនង រវាងអ្នកនិងម្នាក់នោះ ចោលផងដែរ។ ឬតាមជំនឿ ផ្សេងទៀតគេយល់ថា ការជូនទៀនជា កាដូរគឺប្រៀបដូចជា នឹងបង្ហាញថានឹងអាចជិត មាននៅពីធីបុណ្យសព ដូច្នេះដែរ។
១០. ស្រោមដៃ
ស្រោមដៃគឺ ជារបស់មួយ ដែលមិនថា បុរសឬស្រ្តីនោះទេ តែងតែដាក់ជាប់ខ្លួន ជាពិសេសក្នុងរដូវរងារ ព្រោះវាអាច ការពារដៃអ្នកពី អាកាសធាតុត្រជាក់ បានយ៉ាងល្អ។ ក៏ប៉ុន្តែនេះ មិនមែនជាកាដូល្អ ដែលអ្នកគួរផ្តល់ជូន ទៅឲ្យនរណាម្នាក់ នោះទេ។ ព្រោះវាត្រូវបាន គេចាត់ទុកថាមិនមែនជា អំណោយវិជ្ជមាន ព្រោះគេជឿជាក់ថា ប្រសិនបើអ្នកផ្តល់ កាដូជាស្រោមដៃ ទៅកាន់នរណាម្នាក់នោះ មានន័យថាអ្នកនឹងបាត់បង់ នៅទំនាក់ទំនងមួយនោះ ជាមិនខាន៕
ប្រភព៖ AND, Freakishland
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
