មិនធម្មតា! ក្រុមអ្នកគាំទ្រ BTS នៅកម្ពុជា រៃអង្គាសប្រាក់បានខ្ទង់ពាន់ដុល្លារ សម្រាប់ការទិញវ៉ាក់សាំងកូវីដ-១៩

ភ្នំពេញ ៖ ជាការពិតណាស់ ប្រិយមិត្តប្រាកដជាជ្រាបច្បាស់រួចមកហើយ ពីជំងឺរាលត្បាត កូវីដ-១៩ ដែលកំពុងតែលុកលុយបណ្តាប្រទេសជាច្រើន នៅលើពិភពលោក ក្នុងនោះក៏មានប្រទេសកម្ពុជាយើងផងដែរ។

ស្របគ្នានេះ ក៏មានលោកឧញ៉ា លោកជំទាវ តារាៗ ព្រមទាំងប្រជាជនជាច្រើនបាន រួមដៃគ្នាបង្កើតកម្មវិធី និងចូលរួម មូលនិធិសប្បុរសធម៌ ជាហូហែ ដើម្បីរួមចំណែកជួយក្នុងការទប់ស្កាត់ការរីករាយដាលនៃជំងឺនេះកាន់តែខ្លាំងឡើង។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ មានការផ្សព្វផ្សាយនៅលើបណ្ដាញសង្គមហ្វេសប៊ុកថា ក្រុមអ្នកគាំទ្ររបស់តារា Kpop មួយក្រុម គឺ BTS ដែលហ្វេនៗរបស់ពួកគេគឺ ARMY នៅប្រទេសកម្ពុជាយើង ក៏បានរួមចំណែកបរិច្ចាគប្រាក់ សម្រាប់ជួយក្នុងការទិញវ៉ាក់សាំងការពារ ការរីករាលដាលនៃជំងឺនេះផងដែរ ។

ជាក់ស្តែង មូលនិធិសប្បុរសធម៌ របស់ក្រុមអ្នកគាំទ្ររបស់ BTS នៅក្នុងប្រទេសកម្ពុជា ដែលមានឈ្មោះថា ARMY X BTS CAMBODIA បានរួមគ្នា ​រៃអង្គាសប្រាក់ បានចំនួន ១,៣០០​ ដុល្លារអាមេរិក ដែលចំនួនថវិការទាំងអស់នេះ នឹងត្រូវបរិច្ចាគ សម្រាប់ការទិញវ៉ាក់សាំង កូវីដ-១៩។

យ៉ាងណាមិញ នេះមិនមែនជាលើកទីមួយឡើយ ជារឿយៗ ពួកគេបានចូលរួមចំណែក ក្នុងសកម្មភាពសប្បុរសធម៌ជាហូហែ តាមរបៀបដែលក្រុមចម្រៀង BTS ធ្លាប់បានធ្វើកន្លងមក ហើយក៏មិនខុសពី ARMY នៅតាមបណ្ដាប្រទេសផ្សេងៗទៀតឡើយ៕

#CamARMYs_Foundation

Cambodia army raises $1547.77 in one week To help people affected
by floods in Teuk Chor village, Teuk Chor commune, Preah Net Preah district.Banteay Meanchey Province All these funds have helped 220
families there under the name of "ARMY X BTS CAMBODIA" pic.twitter.com/Lnjc1VaMJR

— BTS Voting_Cam (@btsvoting_cam) October 27, 2020

ចង់ជ្រាបច្បាស់ សូមទស្សនារូបភាពខាងក្រោម ៖ 

• តារាកូរ៉េ