សារធាតុចិញ្ចឹម ៦ មុខ រាងកាយ និងសុខភាពមនុស្សយើងត្រូវការចាំបាច់រាល់ថ្ងៃ!

យោងតាម អង្គការសុខភាពពិភពលោក (WHO) ឲ្យដឹងថា សារធាតុចិញ្ចឹមសំខាន់ៗ ចាំបាច់ណាស់ក្នុងការទ្រទ្រង់ផលិតភាព ការលូតលាស់ និងសុខភាពល្អរបស់មនុស្សយើងម្នាក់ៗ។ ប៉ុន្តែគ្នាយើងមួយចំនួនទទួលបានសារធាតុចិញ្ចឹមដែលរាងកាយត្រូវការក្នុងមួយថ្ងៃមិនគ្រប់គ្រាន់ ឬខ្លះមិនសូវយល់ដឹងថា ក្នុងមួយថ្ងៃ យើងត្រូវការសារធាតុចិញ្ចឹមចាំបាច់អ្វីខ្លះដែលរាងកាយយើងត្រូវការ? ខាងក្រោមនេះ ជាពពួកសារធាតុចិញ្ចឹមដែលរាងកាយ និងសុខភាពយើងត្រូវការជាប្រចាំថ្ងៃ ដើម្បីជួយដល់ដំណើរការប្រព័ន្ធផ្សេងៗក្នុងរាងកាយមានដូចជា៖

១. វីតាមីន

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពពួកវីតាមីនជាមីក្រូសារធាតុចិញ្ចឹមដែលផ្ដល់អត្ថប្រយោជន៍ជាច្រើនដល់សុខភាពរួមមាន ពង្រឹងប្រព័ន្ធការពាររាងកាយ ការពារ ឬពន្យារពេលជំងឺមហារីកមួយចំនួន រក្សាស្បែកឲ្យបានសុខភាពល្អ ជួយទ្រទ្រង់ឲ្យឈាមមានសុខភាពល្អ និងជួយដល់ខួរក្បាល និងដំណើរការប្រព័ន្ធសរសៃប្រសាទជាដើម។ នៅក្នុងនោះដែរ មាន១៣ វីតាមីនចាំបាច់ គឺ៖

វីតាមីន A
វីតាមីន D
វីតាមីន E
វីតាមីន K
វីតាមីន C
វីតាមីន B1 B12 B6 B2 B5 B3 B9 B7។

២. ជាតិរ៉ែ

រ៉ែជាប្រភេទមីក្រូសារធាតុចិញ្ចឹម ដែលរាងកាយត្រូវការមានដូចជា ម៉ាញេស្យូម កាល់ស្យូម សូដ្យូម ប៉ូតាស្យូម ជាតិដែក ទង់ដែង អ៊ីយ៉ូត។ល។ ហើយវាផ្ដល់ជួយទ្រទ្រង់រាងកាយដូចជាផ្នែក៖

រក្សាតុល្យភាពកម្រិតទឹក
ពង្រឹងឆ្អឹង
ជួយថែរក្សាសុខភាពស្បែក សក់ និងក្រចក
ពង្រឹងសុខភាពឆ្អឹង
ជួយដល់សម្ពាធឈាម។ល។

៣. ប្រូតេអ៊ីន

ប្រូតេអ៊ីន ជាមីក្រូសារធាតុចិញ្ចឹម ដែលរាល់ជាលិកាក្នុងរាងកាយយើងត្រូវការ ដើម្បីដំណើរការសរីរាង្គបានល្អ។ ប្រូតេអ៊ីនអាចផ្ដល់ប្រយោជន៍ច្រើនដូចជា៖

ធានាដល់ការលូតលាស់ និងអភិវឌ្ឍរបស់សាច់ដុំ ឆ្អឹង សក់ និងស្បែក
បង្កើត antibodies អ័រម៉ូន និងសារធាតុសំខាន់ផ្សេងៗ
ជាប្រភពថាមពលសម្រាប់ជាលិកា និងកោសិកាក្នុងពេលត្រូវការ។ល។

យើងបន្ថែមវាបាននៅក្នុងរបបអាហារប្រចាំបានតាមរយៈអាហារជាប្រភពប្រូតេអ៊ីនមួយចំនួនរួមមាន សាច់ក្រហម ត្រី និងគ្រឿងសមុទ្រ សណ្ដែក គ្រាប់ធញ្ញជាតិ ឬសណ្ដែកសៀងជាដើម។

៤. សារធាតុខ្លាញ់

គ្នាយើងមួយចំនួនច្រើនគិតថា អាហារដែលខ្លាញ់ច្រើនមិនល្អសម្រាប់សុខភាព តែមនុស្សយើងម្នាក់ៗត្រូវការជាតិខ្លាញ់ខ្លះ ដើម្បីធ្វើជួយសុខភាពឲ្យល្អ។ ជាតិខ្លាញ់ផ្ដល់ឲ្យរាងកាយនូវថាមពល និងជួយដល់ដំណើរការផ្សេងៗរបស់រាងកាយ ប៉ុន្តែសារធាតុខ្លាញ់នេះ ជាខ្លាញ់ល្អៗសម្រាប់សុខភាពដូចជា monounsaturated និង polyunsaturated និងចៀសវាងរាល់ជាតិខ្លាញ់មិនល្អ។ សារធាតុខ្លាញ់ល្អជួយដល់ដំណើរការរាងកាយដូចជា៖

ការលូតលាស់របស់ជាលិកា
បង្កើតជាលិកាថ្មី
កាត់បន្ថយហានិភ័យនៃជំងឺបេះដូង និងទឹកនោមផ្អែមប្រភេទ ២
ដំណើរការប្រព័ន្ធភាពស៊ាំ និងការផលិតអ័រម៉ូន

៥. កាបូអ៊ីដ្រាត

កាបូអ៊ីដ្រាតសំខាន់សម្រាប់រាងកាយ ព្រោះវាជាជាតិស្ករដែលផ្ដល់ថាមពលដល់គ្រប់កោសិកា និងជាលិកាក្នុងរាងកាយ។ កាបូអ៊ីដ្រាតចែកចេញជា២ប្រភេទគឺ ធម្មតា និងកំផ្លិច។ យើងគួរតែកំណត់ការញ៉ាំកាបូអ៊ីដ្រាតធម្មតាដែលដូចជាពពួកនំបុ័ងស បាយ និង pasta និងបំពេញតម្រូវការកាបូអ៊ីដ្រាតកំភ្លិច ព្រោះវាជួយដល់រាងកាយ៖

ប្រព័ន្ធការពាររាងកាយ
ដំណើរការខួរក្បាល
ប្រព័ន្ធសរសៃប្រសាទ
ដំណើរការប្រព័ន្ធរំលាយអាហារ ។ល។

យើងអាចរកកាបូអ៊ីដ្រាតកំផ្លិចនៅក្នុងអាហារដូចជា បន្លែ អង្ករសម្រូប ផ្លែឈើ។ល។

៦. ទឹក

ទឹកប្រហែលជាសារធាតុចិញ្ចឹមសំខាន់បំផុតដែលរាងកាយត្រូវការ។ ដូចដែលយើងដឹងថា មនុស្សអាចរស់បានតែ ២-៣ថ្ងៃប៉ុណ្ណោះ បើមិនបានញ៉ាំទឹក។ គ្រាន់តែយើងញ៉ាំទឹកមិនបានគ្រប់គ្រាន់ ក៏អាចធ្វើឲ្យខ្សោះជាតិទឹកធ្វើឲ្យឈឺក្បាល ឬប៉ះពាល់ដល់សុខភាពយើងបាន។ ទឹកជួយដំណើរការរាងកាយដូចជា៖

កម្ចាត់ជាតិពុលក្នុងខ្លួន
បញ្ជូនសារធាតុចិញ្ចឹម
ទប់ទល់បញ្ហាទល់លាមក
ផ្ដល់សំណើម។ល។

នៅពេលដែលស្រេកទឹក គ្នាយើងគួរតែចៀសវាងញ៉ាំភេសជ្ជៈផ្អែមរួមមានតែ កាហ្វេ សូដា ទឹកក្រូចឆ្មារ ឬទឹកផ្លែឈើដែលបន្ថែមជាតិស្ករក្នុងនោះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT