ការផ្ទុះឡើងនៃវីរុសកូវីដ១៩​ប្រភទថ្មី បានបង្ខំឱ្យហ្វីលីពីន បិទរាល់ជើងហោះហើរចេញពីចក្រអង់គ្លេស

ម៉ានីល៖ ការិយាល័យអ្នកនាំពាក្យ​បានឱ្យដឹងនៅថ្ងៃពុធនេះថា ប្រធានាធិបតីហ្វីលីពីន លោក Rodrigo Duterte បានសម្រេចហាមឃាត់រាល់​ជើងហោះហើរចេញពីចក្រភពអង់គ្លេស ខណៈដែលប្រទេសនៅទ្វីបអ៊ឺរ៉ុបមួយនេះ កំពុងប្រយុទ្ធប្រឆាំងនឹង​វីរុសឆ្លងកូវីដ១៩ប្រភេទថ្មី។

នៅក្នុងសេចក្តីថ្លែងការណ៍ លោក Harry Roque ដែលជាអ្នកនាំពាក្យរបស់ប្រធានាធិបតី​បានគូសបញ្ជាក់ថា រាល់​ជើងហោះហើរទាំងអស់​ចេញពីចក្រភពអង់គ្លេស ទៅកាន់ប្រទេសហ្វីលីពីន នឹងត្រូវបានផ្អាកបណ្តោះអាសន្ន ចាប់ពីថ្ងៃទី ២៤ ខែធ្នូ រហូតដល់ថ្ងៃទី ៣១ ខែធ្នូ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរជម្រាបដែរថា អ្នកដំណើរទាំងអស់ ដែលបានធ្វើដំណើរទៅចក្រភពអង់គ្លេសក្នុងរយៈពេល ១៤ថ្ងៃចុងក្រោយ មុនពេលមកដល់ប្រទេសហ្វីលីពីន ដោយរួមទាំងអ្នកធ្វើដំណើរឆ្លងកាត់ផងដែរ ក៏ត្រូវបានហាមឃាត់ជាបណ្តោះអាសន្ន មិនឱ្យចូលប្រទេស​​នេះ ក្នុងរយៈពេលដូចដែលបានកំណត់ខាងលើ៕