លោក ដូណាល់ ត្រាំ ចេញមុខព្រមានដល់អ៊ីរ៉ង់ បន្ទាប់ពីស្ថានទូតអាមេរិកក្នុងទឹកដីអ៊ីរ៉ាក់ រងការវាយប្រហារដោយរ៉ុក្កែតជាច្រើនគ្រាប់

វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បាន​ចោទប្រកាន់ទៅលើប្រទេសអ៊ីរ៉ង់ ថាជាអ្នកនៅពីក្រោយការ​វាយប្រហារដោយគ្រាប់រ៉ុក្កែតទៅលើស្ថានទូតអាមេរិកក្នុង​រដ្ឋធានីបាកដាដប្រទេសអ៊ីរ៉ាក់ ព្រមទាំងបាន​ព្រមានថានឹងប្រើកម្លាំងយោធាសងសឹងវិញ ប្រសិនបើជនជាតិអាមេរិកណាម្នាក់ត្រូវបាន​​សម្លាប់។

ការវាយប្រហារដោយ​គ្រាប់រ៉ុក្កែត ទៅលើស្ថានទូតអាមេរិកក្នុងរដ្ឋធានីបាកដាដកាលពីថ្ងៃអាទិត្យកន្លងទៅនេះ បានបណ្តាលឱ្យខូចខាតដល់បរិវេណជុំវិញស្ថានទូត ប៉ុស្តិ៍ត្រួតពិនិត្យសន្តិសុខ អគារ ​រថយន្ត និង​ធ្វើឱ្យទាហានអ៊ីរ៉ាក់ម្នាក់រងរបួស។ ហើយក្នុងនោះដែរ​ ស្ថានទូត​អាមេរិក​ប្រចាំតំបន់ ក៏បានចេញមុខថ្កោលទោស​ ហើយជំរុញឱ្យមេដឹកនាំនយោបាយនិងរដ្ឋាភិបាលអ៊ីរ៉ាក់ទាំងអស់ ត្រូវចាត់វិធានការដើម្បីទប់ស្កាត់ការវាយប្រហារ ​​ក៏ដូចជាដាក់ទោសឱ្យធ្ងន់ធ្ងរទៅលើក្រុមណាដែលបានប្រព្រឹត្តរឿងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឆ្លើយតបទៅនឹងបញ្ហានេះ​ លោក ត្រាំ បានធ្វើការបង្ហោះសារនៅលើបណ្តាញសង្គម​ Twitter យ៉ាងដូច្នេះថា៖

គួរជម្រាបដែរថា ក្រោយពីមានការវាយប្រហារដោយគ្រាប់រ៉ុក្កែតកាលពីថ្ងៃអាទិត្យរួចមក រដ្ឋមន្រ្តីការពារជាតិស្តីទី លោក Chris Miller រដ្ឋមន្រ្តីក្រសួងការបរទេសលោក Mike Pompeo និងទីប្រឹក្សាសន្តិសុខជាតិលោក Robert O'Brien បានជួបប្រជុំគ្នានៅឯសេតវិមានកាលពីថ្ងៃពុធម្សិលមិញនេះ ដើម្បីត្រៀមចាត់វិធានការ​ ​ក្នុងគោលបំណងប្រឆាំងនឹងការវាយប្រហារណាមួយ ដែលអាចកើតមានឡើងនៅពេលខាងមុខ៕

Our embassy in Baghdad got hit Sunday by several rockets. Three rockets failed to launch. Guess where they were from: IRAN. Now we hear chatter of additional attacks against Americans in Iraq... pic.twitter.com/0OCL6IFp5M

— Donald J. Trump (@realDonaldTrump) December 23, 2020