តារាល្បីៗទាំងនេះ នឹងបង្ហាញវត្តមាន លើឆាក SBS Gayo Daejeon ២០២០ ថ្ងៃស្អែកនេះ!

កូរ៉េខាងត្បូង ៖ នៅសល់តែប៉ុន្មានថ្ងៃទៀត គឺផុតឆ្នាំ ២០២០ ចូលដល់ឆ្នាំ ២០២១ ហើយ ចំណែកការប្រគុំតន្ត្រី ក៏ដូចជាកម្មវិធីប្រគល់ពានរង្វាន់ផ្សេងៗ ក៏បានធ្វើឡើងព្រោងព្រាតជាហូហែដែរ ជាពិសេសនៅប្រទេសកូរ៉េផ្ទាល់តែម្តង។

ថ្មីៗនេះ ប្រទេសកូរ៉េទើបតែបានប្រារព្ធនូវកម្មវិធី ប្រគុំតន្រ្តី ក៏ដូចជាកម្មវីធីប្រគល់ពានរង្វាន់ផ្សេងៗជាច្រើន ទាំងកម្មវិធី​ Melon Music Awards កម្មវិធី Mnet Asian Music Awards ២០២០ និងកម្មវិធី The Fact Music Awards ២០២០។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែកកម្មវិធី SBS Gayo Daejeon ២០២០ ទើបតែបានប្រកាសឈ្មោះ តារាដែលនឹងមកចូលរួមសម្ដែង លើឆាកដ៏អស្ចារ្យរបស់ខ្លួន ក្នុងឆ្នាំនេះ។

ជាមួយគ្នានេះដែរ សិល្បករដែលត្រូវចូលរួមកម្មវិធី រួមមាន ក្រុម BTS  ក្រុម TWICE ក្រុម SEVENTEEN ក្រុម GOT7 ក្រុម MONSTA X ក្រុម MAMAMOO Jessie ក្រុម NU’EST ក្រុម GFRIEND ក្រុម OH MY GIRL ក្រុម IZ*ONE ក្រុម THE BOYZ ក្រុម Stray Kids ក្រុម (G)I-DLE ក្រុម ATEEZ ក្រុម ITZY ក្រុម TXT ក្រុម APRIL ក្រុម MOMOLAND ក្រុម CRAVITY ក្រុម TREASURE ក្រុម AESPA និងក្រុម ENHYPEN។

គួរបញ្ជាក់ផងដែរថា ការសម្តែងរបស់សិល្បករទាំងអស់ គឺនឹងត្រូវធ្វើការថតទុក ដោយសារជៀសវាង ការប្រមូលផ្តុំ គោរពតាមគោលការណ៍ណែនាំ ស្តីពីការរក្សាគម្លាត ការពារកូវីដ-១៩។

កម្មវិធី SBS Gayo Daejeon នៅឆ្នាំ ២០២០ នឹងត្រូវចាក់ផ្សាយ នៅម៉ោង ៧:៣០ យប់ថ្ងៃទី ២៥ ខែ ធ្នូ ឆ្នាំ ២០២០ នេះ៕  

• តារាកូរ៉េ