រំភើបណាស់! V និង Jimin ចេញបទចម្រៀង និងសារ ជាកាដូជូន ARMY ថ្ងៃ Christmas! (មានវីដេអូ)

កូរ៉េខាងត្បូង ៖ ថ្ងៃនេះជាថ្ងៃ Christmas ក្នុងរដូវកាលបុណ្យណូអែល នេះក្រុមសមាជិកក្រុមតារាចម្រៀង BTS គឺ V និង Jimin ទើបតែបានផ្តល់អំណោយ ដ៏ពិសេសដល់អ្នកគាំទ្រទាំងអស់ ខណៈដែលពួកគេបានចេញបទចម្រៀងណូអែលថ្មី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីម្សិលមិញនេះ V និង Jimin ទើបតែបានធ្វើការចេញផ្សាយ នូវបទចម្រៀងថ្មី ជាអំណោយដល់ ARMY សម្រាប់ថ្ងៃបុណ្យណូអែលនេះ។ ក្នុងនោះរួមមាន បទ Show Flower ច្រៀងដោយ V និងបទ Christmas Love ច្រៀងដោយ Jimin។

អ្វីដែលកាន់តែពិសេសនោះ គឺអត្ថន័យ និងសារពីពួកគេទាំងពីរ ផ្ញើទៅកាន់អ្នកគាំទ្រ ព្រមទាំងមនុស្សទូទាំងពិភពលោក ដែលកំពុងតែជួបនូវការលំបាកជាច្រើន នៅក្នុងឆ្នាំ ២០២០ នេះ។ យោងទៅតាមរូបភាព Cover បទចម្រៀងរបស់ V “white angels” គឺជានិមិត្តរូប តំណាងឲ្យអ្នកដែលធ្វើការក្នុងវិស័យ ផ្នែកវិជ្ជសាស្រ្ត ជាវីរបុរសជួរមុខ ក្នុងការជួយសង្គ្រោះមនុស្ស ពីជំងឺរាតត្បាតនេះ។

ចំណែកបទចម្រៀងរបស់ Jimin គឺជាការច្រៀងលួងលោមដ៏ផ្អែមល្ហែម ជូនពរដល់អ្នកគាំទ្ រនិងមនុស្សជុំវិញពិភពលោក រីករាយក្នុងថ្ងៃឈប់សម្រាក ជាមួយនឹងបទភ្លេងសុទិដ្ឋិនិយមរបស់លោក។

ក្នុងនោះ V និង Jimin ក៏បានផ្ញើសារទៅកាន់ អ្នកគាំទ្រថា ៖

គ្រប់គ្នាប្រហែលជាមានអារម្មណ៍ថា ពេលវេលាបានបញ្ឈប់ ហើយខ្ញុំក៏គិតថា មានមនុស្សជាច្រើនដែលមានការពិបាកចិត្ត និងព្រួយបារម្ភ នៅពេលដែលឆ្នាំថ្មីកាន់តែជិតមកដល់។ ខ្ញុំប្រញាប់ប្រញាល់និពន្ធបទ Snow Flower ដើម្បីសម្ដែងការសូមទោសចំពោះ ARMY ដែលខ្ញុំបង្អូសពេលយ៉ាងយូរ ក្នុងការចេញ mixtape។ សម្រាប់ថ្ងៃនេះ ខ្ញុំសង្ឃឹមថា Snow Flower នឹងធ្វើឲ្យបេះដូងរបស់អ្នក មានភាពកក់ក្ដៅ និងសុភមង្គល។ សម្រាប់ឆ្នាំនេះ ខ្ញុំចង់អរគុណដល់អ្នកទាំងអស់គ្នា ដែលជាទេពអប្សរ ហើយនិង Peakboy មិត្តសម្លាញ់ ដែលចូលរួមសរសេរបទនេះ។ HAPPY HOLIDAYS!

សួស្ដី ARMY! នេះគឺ Jimin! តើអ្នកទាំងអស់គ្នាពេញចិត្តកាដូថ្ងៃ Christmas ពីខ្ញុំទេ? ខ្ញុំពិតជាចង់ឲ្យអ្នកទាំងអស់គ្នាស្ដាប់បទនេះ ហើយខ្ញុំពិតជាសប្បាយចិត្តមែនទែន ដែលទីបំផុតបានចេញបទនេះ ឲ្យអ្នកទាំងអស់គ្នាស្ដាប់។ មូលហេតុដែលខ្ញុំចេញសំបុត្រនេះ នៅថ្ងៃនេះ គឺព្រោះតែខ្ញុំដឹងថាពួកយើងទាំងអស់គ្នា កំពុងស្ថិតនៅក្នុងស្ថានការណ៍មួយដែលលំបាក ហើយវាក៏ជាមូលហេតុដែលខ្ញុំចេញបទ ដែលមានភាពរីករាយបែបនេះ។ ខ្ញុំសរសេរសំបុត្រនេះចង់ប្រាប់អ្នកបន្ថែមពីមូលហេតុទាំងអស់។ ដូចដែលអ្នកបានដឹងស្រាប់ហើយ តាមរយៈបទនេះ ខ្ញុំច្រៀងពីអារម្មណ៍នៅពេលដែលឃើញព្រិលធ្លាក់ ជាលើកដំបូង វាគឺជាអនុស្សាវរីយ៍ កាលពីកុមារភាព។ នៅពេលដែលពួកយើងធំឡើង ខ្ញុំមានអារម្មណ៍ថានឹកកាលពីពេលនៅក្មេងខ្លាំងណាស់។ មិនថាស្ថានការណ៍នៅពេលបច្ចុប្បន្នយ៉ាងណាក៏ដោយ ខ្ញុំគិតថាពួកយើងនៅតែចងចាំអតីតកាលដែលយើងនៅតូច មិនសូវដឹងអី រីករាយរហូត ហើយក៏មានអារម្មណ៍ ចង់ត្រឡប់ទៅពេលនោះវិញ។ កាន់តែចាស់ទៅ យើងមានទំនួលខុសត្រូវកាន់តែច្រើន ហើយវាជាមូលហេតុដែលយើងកាន់តែចាប់ផ្ដើមលាក់អារម្មណ៍ក្នុងចិត្ត។ ប៉ុន្តែយ៉ាងណាអារម្មណ៍នោះនៅតែមាន។ ថ្វីត្បិតថាពួកយើងមិននៅក្មេងទៀត ប៉ុន្តែចុះបើយើងសាកបញ្ចេញអារម្មណ៍ពិតមកខាងក្រៅ ដូចកាលពីយើងនៅក្មេងម្ដងទៀត? បើសិនជាអាច បង្ហាញអារម្មណ៍ដែលលាក់ទុកនៅថ្ងៃនេះ តែម្ដងគឺកាន់តែល្អ! អ្នកទាំងអស់គ្នាគឺសុទ្ធតែមានតម្លៃ សាកសមនឹងទទួលបានក្ដីស្រលាញ់។ ខ្ញុំសង្ឃឹមថាពួកយើងនឹងឆាប់បានសប្បាយជាមួយគ្នា នៅពេលខាងមុខ។ ខ្ញុំពិតជាបានសរសេរច្រើនមែន បើប្រៀបធៀបនឹងបទចម្រៀងទៅ។ បទនឹងគឺខ្លីទេ ប៉ុន្តែខ្ញុំនិពន្ធបទនេះឡើង ក្នុងបំណងជូនពរឲ្យអ្នកទាំងអស់គ្នាសប្បាយចិត្ត។ ខ្ញុំសង្ឃឹមថាពេលអ្នកទាំងអស់គ្នាស្ដាប់បទនេះ អ្នកនឹងនឹកគិតដល់ពេលវេលាដែលមានភាពរីករាយកន្លងមក។

Jimin

ជ្រាបកាន់តែច្បាស់ សូមទស្សនាវីដេអូខាងក្រោម ៖

Show Flower ច្រៀងដោយ V

Christmas Love ច្រៀងដោយ Jimin

វីដេអូ

តារាកូរ៉េ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រំភើបណាស់! V និង Jimin ចេញបទចម្រៀង និងសារ ជាកាដូជូន ARMY ថ្ងៃ Christmas! (មានវីដេអូ)

In Case You Missed It