ស្តាយណាស់ ផ្ទះរបស់ស្តេចចម្រៀងប៉ុប Michael Jackson ត្រូវបានលក់ឲ្យមហាសេដ្ឋីម្នាក់ ក្នុងតម្លៃ....

បរទេស​៖ ទីបំផុត Neverland ដែលជាកេរ្តិ៍ផ្ទះវីឡារបស់ Michael Jackson កាលនៅរស់រាន្តមានជីវិត ត្រូវមហាសេដ្ឋីលោក Ron Burkle ត្រូវបានទិញយកទ្រព្យសម្បត្តិដ៏ល្បីមួយនេះ ក្នុងតម្លៃ ២២ លានដុល្លារដែលជាតម្លៃទាបជាងតម្លៃដំបូង ៨០ លានដុល្លារ។

ជាក់ស្តែងផ្ទះរបស់ស្តេចចម្រៀងប៉ុបរូបនេះ  មានការដេគ័រ ក៏ដូចជា រចនាម៉ូត ដូចក្នុងរឿង​ប្រលោមលោក Peter Pan ដោយក្នុងនោះ មានសួនកម្សាន្តបែបរឿងនិទាន ផ្លូវរថភ្លើងបែបអច្ឆរិយៈ សួនសត្វចិញ្ចឹមយ៉ាងធំទូលាយ ជាពិសេសសួនផ្កាដ៏ធំលាយសន្លឹកក្នុងទីធ្លាផ្ទះ ដ៏មានតម្លៃមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ទ្រព្យសម្បត្តិដ៏មានតម្លៃនេះ វាមានតម្លៃរហូតទៅដល់ ១០០ លានដុល្លារ កាលពីឆ្នាំ ២០១៥ តែនៅក្នុងឆ្នាំ ២០១៧ តម្លៃរបស់វា បានបន្តធ្លាក់នៅ ៦៧ លានដុល្លារ ទៀតសោត វានៅសល់ត្រឹមតែ ៣១ លានដុល្លារក្នុងឆ្នាំ ២០១៩ ។

គួរបញ្ជាក់ផងដែរថា លោក Burkle ជាសហស្ថាបនិកនៃក្រុមហ៊ុនវិនិយោគ Yucaipa Companies និងជាសហម្ចាស់ក្រុមហ៊ុន Soho House បានកាន់កាប់ទីធ្លាដ៏ធំសម្បើម ដែលមានទំហំ ២.៧០០ ហិចតាដែលបានសាងសង់នឹងវិមានដែលមានទំហំ ១២.០០០ ហ្វីតការ៉េ ដែលមានទីតាំងស្ថិតនៅទីក្រុង Los Olivos៕

សូមទស្សនារូបភាពខាងក្រោម៖ 

• តារាអន្តរជាតិ