ប្រពន្ធ Taeyang សុខៗបង្ហោះរូបនេះ ធ្វើឲ្យហ្វេនៗ សង្ស័យ

កូរ៉េខាងត្បូង៖ បន្ទាប់ពីរៀបការបាន ២ ឆ្នាំគូស្វាមីភរិយា Taeyang  នៃក្រុម BIG BANG និង Min Hyo Rin នៅតែទទួលបានការគាំទ្រពីសំណាក់អ្នកគាំទ្រដដែល និងតែងតែចង់ដឹង ចង់លឺ ពីជីវិតគូអាពាហ៍ពិពាហ៍របស់ពួកគេ មិនត្រឹមតែប៉ុណ្ណឹង អ្នកគាំទ្រក៏ទន្ទឹងរង់ចាំដំណឹងល្អរបស់ ប្តីប្រពន្ធ មួយគូនេះផងដែរ។

ហេតុដូច្នេះហើយរូបថតថ្មីនៅលើ គណនីផ្ទាល់ខ្លួនរបស់ Min Hyo Rin បានធ្វើឱ្យកក្រើក អ្នកគាំទ្រវិស័យ K-Pop ដោយសារតែមហាជនសង្ស័យថានាងកំពុងមានផ្ទៃពោះ។ ជាក់ស្តែងកាលពីថ្ងៃទី ២៥ ខែធ្នូ តារាស្រីរូបនេះ បានបង្ហោះរូបថតអបអរបុណ្យណូអែលដូចតារាដទៃទៀត ខណៈភរិយារបស់ Taeyang រូបនេះ បានបង្ហោះរូបថតពាក់អាវចាក់រលុងៗ ដែលមានរាងមិនធម្មតា ដែលធ្វើឱ្យមហាជនសង្ស័យថា នាងមានផ្ទៃពោះ ហើយកំពុងតែចង់ប្រកាសប្រាប់ដល់អ្នកគាំទ្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បន្ទាប់ពីនោះ ព័ត៌មាននេះ បានក្លាយជាប្រធានបទដ៏ក្តៅគគុកដែលត្រូវបានពិភាក្សាឥតឈប់ឈរនៅលើវិស័យកម្សាន្ត K-Pop បានធ្វើឲ្យ មហាជន ក៏ដូចជា ហ្វេនៗភាគច្រើនមានចិត្តអន្ទះសា និងទន្ទឹងរង់ចាំកូនដំបូងរបស់ពួកគេ។

ទោះជាយ៉ាងណា  វាគ្រាន់តែជាការសង្ស័យតែប៉ុណ្ណោះ របស់អ្នកគាំទ្រ  មានតែរង់ចាំមើល សមីខ្លួន មកបញ្ជាក់ដោយផ្ទាល់ និងតាមដានជាមួយ ខ្មែរឡូត ទាំងអស់គ្នា ថាវាពិតឬ យ៉ាងណា?

សូមទស្សនារូបភាពខាងក្រោម៖

• តារាកូរ៉េ