ទោះចេញយូរប៉ុណ្ណា បទបុណ្យណូអែលប្រចាំត្រកូល Mariah Carey នៅតែរកបានជិត៣លានដុល្លារជារៀងរាល់ឆ្នាំ

បរទេស៖ យោងតាម Unilad បានរាយការណ៍មកថា បទចំរៀងគ្រិស្ដម៉ាស់ប្រចាំត្រកូល របស់ Mariah Carey នៅតែជួយឲ្យ តារាចម្រៀងស្រីចាស់វស្សារូបនេះ រកលុយបានច្រើនយ៉ាងសន្ធឹកសន្ធាប់ ជាមួយចំនួនទឹកប្រាក់ ដែលគួរឲ្យមិនជឿ ទោះបីបទចម្រៀងមួយនេះចេញបាន ២៦​ ឆ្នាំហើយក្តី។

ជាក់ស្តែង បទចម្រៀង មានចំណងជើងថា «All I Want for Christmas Is You» ដែលបទមួយនេះ ជួយឱ្យនាងរកចំណូលបានជាមធ្យម ២,៦ លានដុល្លារក្នុងមួយឆ្នាំ នេះបើយោងតាមរបាយការណ៍របស់ The Economist ក្នុងឆ្នាំ ២០១៧ បទមួយនេះ រកបានចំណូលសរុប ៦០ លានដុល្លារ ចាប់តាំងពីបានចេញផ្សាយនៅឆ្នាំ ១៩៩៤ មកម្លេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា «All I Want for Christmas Is You» បានជាប់ចំណាត់ថ្នាក់លេខមួយនៅលើតារាងតន្រ្តីចក្រភពអង់គ្លេសផងដែរ យ៉ាងណាមិញ នេះជាលើកទីមួយហើយដែលបទចម្រៀងមួយនេះទទួលបានជោគជ័យចាប់តាំងពីបានចេញផ្សាយ ក៏ព្រោះតែបទមួយនេះ បានហក់លោតខ្ពស់បំផុតបានត្រឹមតែលេខ ២ តែប៉ុណ្ណោះលើតារាងប្រទេសអង់គ្លេស៕

សូមទស្សនារូបភាពខាងក្រោម៖

• តារាអន្តរជាតិ