មូលហេតុទាំងនេះធ្វើឲ្យមានហ្គាសក្នុងក្រពះ តើយើងគួរធ្វើម៉េច?

នៅពេលខ្លះ យើងស្រាប់តែចុកទ្រូង ឬចុកពោះភ្លាមៗ ដែលធ្វើឲ្យយើងមានអារម្មណ៍នៅមិនសុខក្នុងខ្លួន។ ពោះរបស់យើងអាចឡើងហើម និងរមួលពោះជាដើម។ បន្ថែមពីនេះ ការឈឺចាប់ដែលកើតចេញពីហ្គាសដែលប្រមូលនៅផ្នែកខាងឆ្វេងនៃពោះវៀនធំ អាចសាយភាយចេញពីទ្រូងរបស់យើង ដែលធ្វើឲ្យយើងសង្ស័យថា ជាអាការៈគាំងបេះដូង។ ចំណែកឯហ្គាសដែលប្រមូលនៃផ្នែកខាងស្កាំនៃពោះវៀនធំ ក៏អាចឲ្យយើងសន្និដ្ឋានថា ជាជំងឺរលាកខ្នែងពោះវៀន ឬក្រួសក្នុងថង់ទឹកប្រមាត់ផងដែរ។

យ៉ាងណាមិញ បើទោះបីជាបញ្ហាហ្គាសមើលទៅមិនសូវជាធ្ងន់ធ្ងរប៉ុន្មាន ប៉ុន្តែវាក៏អាចបណ្ដាលឲ្យកើតមានបញ្ហាសុខភាពជាច្រើនទៀតនៅថ្ងៃក្រោយផងដែរ។ ដូច្នេះហើយ យើងចាំបាច់ត្រូវដឹងពីមូលហេតុដែលធ្វើឲ្យកើតមានហ្គាសក្នុងក្រពះ ក៏ដូចជាស្វែងរកនូវដំណោះស្រាយឲ្យបានទាន់ពេលវេលា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ទល់លាមក

ការទល់លាមក ដែលបណ្ដាលមកពីការញ៉ាំអាហារមិនត្រឹមត្រូវ ក៏អាចបង្កឲ្យមានហ្គាសក្នុងក្រពះដែរ។ ម្យ៉ាងវិញទៀត នៅពេលដែលយើងមិនបានបន្ទោបង់ត្រឹមត្រូវ វានឹងធ្វើឲ្យមានការប្រមូលផ្ដុំហ្គាស ដូចជាកាបូនឌីអុកស៊ីត អ៊ីដ្រូសែន និងមេតាន។

២. ការលូតលាស់របស់មេរោគ

ការលូតលាស់របស់មេរោគក្នុងពោះវៀនតូច (SIBO) កើតឡើងនៅពេលមេរោគជាធម្មតាលូតលាស់នៅផ្នែកផ្សេងនៃពោះវៀន ចាប់ផ្ដើមលូតលាស់នៅក្នុងពោះវៀនតូច។ ករណីនេះ នឹងបណ្ដាលឲ្យមានហ្គាសក្នុងពោះវៀនច្រើនជាងធម្មតា។

៣. ជំងឺរលាកពោះវៀនរ៉ាំរ៉ៃ

ជំងឺរលាកពោះវៀនរ៉ាំរ៉ៃ កើតឡើងដោយសារតែការរំលាយអាហារមិនត្រឹមត្រូវ។ លើសពីនេះ ប្រសិនបើយើងញ៉ាំអាហារដែលមានជាតិសរសៃតិចតួច វាក៏នាំឲ្យកើតមានជំងឺនេះផងដែរ។

៤. ស្រ្តេស

យើងច្បាស់ជាបានដឹងហើយថា បញ្ហាស្រ្តេសផ្តល់ផលប៉ះពាល់អវិជ្ជមានជាច្រើនដល់សុខភាពរាងកាយ និងផ្លូវចិត្តរបស់យើង។ ជាមួយគ្នានេះដែរ វាក៏ឫសគល់ដែលធ្វើឲ្យយើងកើតមានហ្គាសក្នុងពោះវៀនផងដែរ។

៥. ឥរិយាបថរស់នៅ

ទម្លាប់ជាច្រើន ក៏អាចបណ្ដាលឲ្យមានការផលិតហ្គាសក្នុងពោះវៀនកាន់តែច្រើនដូចគ្នាដែរ។ ជាពិសេស គឺស្រូបយកខ្យល់ច្រើន នៅពេលដែលយើងញ៉ាំអាហារ ដូចជាការញ៉ាំច្រើន ការជក់បារី ការទំពាស្ករកៅស៊ូ ការញ៉ាំបណ្ដើរ និយាយបណ្ដើរ ឬការប្រើទុយយោសម្រាប់ញ៉ាំទឹកជាដើម។

តិចនិកការពារកុំឲ្យមានហ្គាសក្នុងពោះវៀន

យើងអាចកាត់បន្ថយហានិភ័យនៃហ្គាសដែលបង្កឲ្យមានការឈឺចាប់បាន តាមរយៈទម្លាប់ល្អៗដូចខាងក្រោម៖

រក្សាជាតិទឹកក្នុងខ្លួន
ចៀសវាងភេសជ្ជៈ ដែលមានជាតិកាបូន។
ចៀសវាងអាហារដែលមានហ្គាសច្រើន
ញ៉ាំអាហារយឺតៗ និងទំពាឲ្យបានម៉ត់ល្អ
កុំទំពាស្ករកៅស៊ូ
បង្កើនសកម្មភាពរាងកាយ
កុំទប់ផោម
ចៀសវាងជាតិផ្អែមសិប្បនិម្មិត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មូលហេតុ​ទាំង​នេះ​​ធ្វើ​ឲ្យ​មាន​ហ្គាស​ក្នុង​ក្រពះ​ ​​តើ​យើង​​គួរ​ធ្វើ​ម៉េច​?

​១. ទល់លាមក

២. ​​ការ​​លូតលាស់​របស់​មេរោគ​

៣. ជំងឺ​រលាក​ពោះវៀន​រ៉ាំរ៉ៃ