កូរ៉េខាងត្បូង ៖ MBC បានត្រឡប់មកវិញ សាជាថ្មីម្តងទៀត ជាមួយនឹងកម្មវិធីប្រគុំតន្រ្តីប្រចាំឆ្នាំរបស់ពួកគេ ហើយវាក៏ធ្វើឲ្យអ្នកគាំទ្រ ទន្ទឹងរង់ចាំពីភាពអស្ចារ្យ ថាដូចឆ្នាំមុនៗ ដែរឬទេ។
ជាមួយគ្នានេះផងដែរ កម្មវិធី MBC Gayo Daejejeon ២០២០ ត្រូវបានគេស្គាល់ថា ជាកម្មវិធីប្រគុំតន្រ្តីមួយយ៉ាងធំ ដែលធ្វើឡើងជារៀងរាល់ឆ្នាំ ដើម្បីរួមគ្នារាប់ថយក្រោយ ឆ្លងឆ្នាំសម្រាប់អ្នកគាំទ្រ និង Idol របស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្តែងឆ្នាំនេះ ក៏ដូចគ្នាដែរ មានសិល្បករល្បីៗជាច្រើន ត្រូវបានប្រកាសឈ្មោះថានឹងចូលរួម ក្នុងនោះរួមមានលោក J.Y. Park X Rain តារាចម្រៀងស្រីទោល Uhm Junghwa តារាចម្រៀង Song Gain X Henry តារាចម្រៀងប្រុស Lim Youngwoong ក្រុម MAMAMOO ក្រុម NCT ក្រុម GOT7 ក្រុម ITZY ក្រុម STRAY KIDS ក្រុម TWICE លោក Kang Seungyoon លោក Norazo ក្រុម THE BOYZ តារាស្រី Kim Shinyoung ក្រុម MONSTA X ក្រុម (G)I-DLE ក្រុម IZ*ONE ក្រុម AESPA ក្រុម OH MY GIRL ក្រុម LOONA តារាចម្រៀងស្រី Jessi និងតារាចម្រៀងប្រុស Paul Kim។
គួរបញ្ជាក់ផងដែរថា ការសម្តែងទាំងអស់ គឺនឹងត្រូវធ្វើការថតទុក ដោយគ្មានការចូលរួមផ្ទាល់ពីអ្នកគាំទ្រនោះទេ ដើម្បីសុវត្ថិភាពដល់សិល្បករ បុគ្គលិក ក៏ដូចជាប្រជាជនទាំងអស់ ដែលកំពុងស្ថិតនៅក្នុងការរក្សាគម្លាត។
កម្មវិធី MBC Gayo Daejejeon ២០២០ នេះ នឹងត្រូវធ្វើការចាក់ផ្សាយនៅម៉ោង ៩ យប់ថ្ងៃទី ៣១ (ម៉ោងនៅកូរ៉េ)៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
