ឃើញក្នុងរឿង​ Nanno តែងខ្លួនសិស្សសាលាសុភាពៗ ដល់ក្រៅឆាកបានដឹងលេងខ្លួនសាហាវប៉ុណ្ណា

ថៃ៖ Kitty Chicha ជាតារាស្រីមួយរូបមានភាពប៉ិនប្រសព្វក្នុងការសម្ដែងខ្សែភាពយន្ត ដោយតារារូបនេះ បានបង្ហាញស្នាដៃថតរឿងជាច្រើន តែអ្វីដែលធ្វើឲ្យទស្សនិកជនស្គាល់នាងកាន់តែច្បាស់គឺនៅក្នុងរឿង « Girl From Nowhere» កាលពីឆ្នាំ ២០១៨ ដែលគ្រប់គ្នាតែងតែហៅនាងថា Nanno។ ដោយសាច់រឿងមួយនោះ តម្រូវឲ្យតារាស្រីរូបនេះ ដើរតួជាសិស្សសាលា និងមានអត្តចរិតខុសប្លែកពីសិស្សដទៃ ហើយនាងក៏ជានារីម្នាក់ដែលមានភាពអាថ៌កំបាំងផងដែរ។ 

យ៉ាងណាមិញ បន្ទាប់ពីតារារូបនេះ បានតំណែងជាតួឯក និងបានសម្ដែងក្នុងរឿង « Girl From Nowhere» រួចមក តារារូបនេះ ទទួលបានការគាំទ្រជាច្រើនពីមហាជន ទាំងក្នុងនិងក្រៅប្រទេស ហើយខ្សែភាពយន្តមួយនេះ បានធ្វើឲ្យតារារូបនេះ កាន់តែមានឈ្មោះល្បីល្បាញក្នុងសង្គមសិល្បៈមកទល់បច្ចុប្បន្ន។ ក្រៅពីជាតារាសម្ដែង នាងក៏ជាតារាម៉ូដែលម្នាក់ ដែលគ្រប់ពេលគេតែងតែឃើញនាងបង្ហាញវត្តមានក្នុងកម្មវិធីធំៗជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ បើក្រឡេកទៅមើលរូបសម្ផស្ស Kitty Chicha ឃើញថានាងពិតជាមានរូបសម្រស់ស្រស់ស្អាត ទោះបីតារារូបនេះតែងខ្លួនបែបសាមញ្ញ មិនបានផាត់មុខក្រាស់ៗ តែនាងនៅតែស្រស់សោភាដដែល។ ម្យ៉ាងប្រិយមិត្តធ្លាប់តែឃើញ តារារូបនេះស្លៀកពាក់ឯកសណ្ឋានសិស្សសាលា តែបើងាកមកមើលពីការតុបតែងខ្លួនរបស់នាង ក្នុងជីវិតឯកជនវិញ នាងពិតជាមានស្ទាយ៍តែងខ្លួនស៊ីវិល័យ ថ្មីប្លែកជានិច្ច។ មិនតែប៉ុណ្ណោះ គ្រប់ពេលដែលនាងរៀបចំខ្លួន ពិតជាលេចធ្លោ ស្រស់ឆើតឆាយ ទាក់ភ្នែកធ្វើឲ្យហ្វេនលង់គ្រប់គ្នាតែម្ដង៕

សូមទស្សនារូបភាពខាងក្រោម៖​

• រូបភាព
• តារាថៃ