សូមអបអរសាទរដល់បេក្ខជនជ័យលាភី០៣រូបចុងក្រោយរបស់ការប្រកួតប្រជែងអាជីវកម្ម CAIN Challenges

ភ្នំពេញ៖ ការប្រកួតប្រជែងអាជីវកម្មCAIN Challenges វគ្គចុងក្រោយបានធ្វើឡើងនៅថ្ងៃទី ២៥ ខែធ្នូឆ្នាំ ២០២០​នៅការិយាល័យសមាគមអ្នកវិនិយោគកម្ពុជា(CiC)និងតាមរយៈអ៊ីនធឺណិត (Zoom) បន្ទាប់ពីវគ្គជម្រុះយកបេក្ខជន០៩រូបកាលពីថ្ងៃទី ១៧ ខែធ្នូឆ្នាំ ២០២០។​​ សូមអបអរសាទរដល់បេក្ខជនជ័យលាភី០៣រូបចុងក្រោយរួមមាន​ DataU Academy, ArrowDot Co.,Ltd, និង BLOC ។  

បេក្ខជនជ័យលាភី០៣រូបចុងក្រោយទទួលបានរង្វាន់ដែលមានតម្លៃបើគិតជាទឺកប្រាក់ប្រហែល​២០,០០០ដុល្លារអាមេរិក។​រង្វាន់រួមមានអាហារូបករណ៍ចូលរួមកម្មវិធីពន្លឿនការអភិវឌ្ឍអាជីវកម្មBIO Accelerator Program កញ្ចប់ពិគ្រោះយោបល់អាជីវកម្ម(អំពីទីផ្សារ ហិរញ្ញវត្ថុ យុទ្ធសាស្ត្រផ្សេងៗ) សមាជិកភាពរយៈពេល១ឆ្នាំនៅសមាគមអ្នកវិនិយោគកម្ពុជា(CiC) និងឱកាសទទួលបានទុនវិនិយោគ៥០០,០០០++ ដុល្លារអាមេរិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំនែកបេក្ខជន៦នាក់ទៀតទទួលបានអាហារូបករណ៍ចូលរួមកម្មវិធីពន្លឿនការអភិវឌ្ឍអាជីវកម្មBIO Accelerator Program​​ និង​សមាជិកភាពរយៈពេល១ឆ្នាំនៅសមាគមអ្នកវិនិយោគកម្ពុជា(CiC)។បេក្ខជនទាំង៦រូបរួមមាន​ Hospicare, Career Finder (Cambodia) Co.,Ltd, Jobify (Cambodia) Co.,Ltd, ខេមកសិការ (Camkaseka), SALA និង​ Malis​។

ការប្រកួតប្រជែងអាជីវកម្ម CAIN Challenges​​ បង្កើតឡើងសម្រាប់អាជីវកម្មបង្កើតថ្មី និងអាជីវកម្មនៅក្នុងដំណាក់កាលរីកលូតលាស់នៅប្រទេសកម្ពុជាដែលចង់ពង្រឹងសមត្ថភាពគ្រប់គ្រងរបស់ពួកគេ ត្រូវការការពិភាក្សាយោបល់អាជីវកម្ម បង្កើនបណ្តាញអាជីវកម្មរបស់ពួកគេ និងកំពុងស្វែងរកទុនវិនិយោគដើម្បីពង្រីកអាជីវកម្មរបស់ពួកគាត់។

ការប្រកួតប្រជែងអាជីវកម្ម CAIN Challenges រៀបចំឡើងដោយបណ្ដាញអ្នកវិនិយោគកម្ពុជា Cambodian Angel Investors Network (CAIN)ដើម្បីផ្តល់ឱកាសឱ្យសហគ្រិនក្នុងស្រុកពង្រីកអាជីវកម្មរបស់ពួកគេ។ការប្រកួតប្រជែងនេះដំណើរការឡើងក្រោមការសាហការជាមួយកម្មវិធីពន្លឿនការអភិវឌ្ឍអាជីវកម្មBIO Accelerator Program​និងក្រោមការគាំទ្រពីសមាគមអ្នកវិនិយោគកម្ពុជា(CiC)​។

CAIN គឺជាបណ្តាញអ្នកវិនិយោគ Angel Investors ដែលបានបង្កើតឡើងដោយសមាគមអ្នកវិនិយោគកម្ពុជា (CiC) ដើម្បីជំរុញការអភិវឌ្ឍនៃការវិនិយោគរបស់ Angel Investors ។ សមាជិករបស់CAINមានឱកាសវិនិយោគក្នុងច្រើនរូបភាពដូចជាការវិនិយោគដោយផ្ទាល់(ជាបុគ្គលឬជាក្រុម)ទៅធុរកិច្ចបង្កើតថ្មីនិងសហគ្រាសធុនតូចនិងមធ្យមដែលមានសក្តានុពល ការវិនិយោគរួមគ្នាជាមួយសមាគមអ្នកវិនិយោគកម្ពុជា(CiC) និងការវិនិយោគទៅក្រៅប្រទេស៕