ឃើញរូបប្រពន្ធស្អាតពេក ស្វាមី Amy ទប់ចិត្តមិនបាន យកមកបង្ហោះលើគណនីផ្ទាល់ខ្លួនតែម្ដង

ថៃ៖ គូស្វាមីភរិយា លោក Cee Siwat និង នាង Amy Klinpratoom អ្នកទាំងពីរបានរៀបការជាមួយគ្នាអស់រយៈពេល ៦ឆ្នាំមកហើយ តែចំណងស្នេហាប្ដីប្រពន្ធតារាមួយគូនេះ នៅតែផ្អែមល្ហែម ហើយល្អូកល្អើននឹងគ្នាគ្មានថ្ងៃប្រែឡើយ។ ម្យ៉ាងវិញទៀត គេតែងតែកត់សម្គាល់ឃើញតារាប្រុសស្រីពីររូបនេះ បង្ហោះរូបគូ បង្ហាញភាពស្និទ្ធស្នាលជាមួយគ្នាស្ទើរតែគ្រប់ពេលតែម្ដង។ 

ជាមួយគ្នានេះដែរ បើងាកទៅមើលគណនី Instagram របស់ Cee Siwat ឃើញថា តារាប្រុសរូបនេះ តែងតែបង្ហោះរូបភរិយាជានិច្ច។ ដោយឡែកគ្រប់គ្នាបានឃើញស្រាប់ហើយថា ភរិយាតារារូបនេះ មានសម្រស់ស្រស់ស្អាតខ្លាំង ទោះបីមានអាយុក្បែរ៤០ឆ្នាំ តែសម្រស់របស់នាងនៅតែក្មេងជាងវ័យ មិនចាញ់ក្មេង២០ឆ្នាំឡើយ។ មិនតែប៉ុណ្ណោះ  Amy Klinpratoom ក៏ជាតារាស្រីដែលនិយមរៀបចំខ្លួនជាមួយស្ទាយ៍ស៊ីវិល័យ និងស្លៀកឈុតស៊ិចស៊ីបង្អួតរូបរាងស្រឡូនផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង មុននេះបន្តិច បុរសសង្ហាលោក Cee Siwat បានយករូបភរិយាមកបង្ហោះលើគណនីផ្ទាល់ខ្លួនសាជាថ្មីម្ដងទៀត តែរូបភាពថ្មីនេះ ភរិយាតារារូបនេះ បានតុបតែងខ្លួនពាក់អាវក្រៅពណ៌សចំហរល្វែងលើមួយទំហឹង​ ហើយរូបភាពភរិយាតារាប្រុសរូបនេះ មើលទៅពិតជាមានភាពទាក់ទាញ លេចធ្លោ និងធ្វើឲ្យហ្វេនចាប់អារម្មណ៍ខ្លាំង។ ក្នុងនោះដែរ មិនត្រឹមតែស្លៀកឈុតបង្ហាញដើមទ្រូងប៉ុណ្ណោះទេ តែទឹកមុខ និងស្ទីលថតរូបរបស់នាងក៏ស៊ីអារម្មណ៍ទៀតផង។

តួយ៉ាង បន្ទាប់ពីតារាប្រុសរូបនេះ បានបង្ហោះរូបភរិយារួច ក៏មានអ្នកគាំទ្រជាច្រើន បានពោលពាក្យសរសើរពិរូបសម្ផស្ស និងស្ទាយ៍លេងខ្លួនរបស់ប្រពន្ធលោកគ្រប់គ្រប់តែម្ដង៕

សូមទស្សនរូបភាពខាងក្រោម៖

• រូបភាព
• តារាថៃ