ប្រទេសជប៉ុននឹងបង្កើតផ្កាយរណបធ្វើពីឈើដំបូងគេក្នុងលោក ដើម្បីកាត់បន្ថយសំរាមក្នុងទីអវកាស

ជប៉ុន៖ ក្រុមហ៊ុនជប៉ុនមួយនិងសាកលវិទ្យាល័យក្យូតូ បានរួមគ្នាដើម្បីអភិវឌ្ឍនូវអ្វីដែលពួកគេសង្ឃឹមថានឹងក្លាយជាផ្កាយរណបដំបូងបង្អស់របស់ពិភពលោកដែលធ្វើពីឈើនៅឆ្នាំ2023។

ក្រុមហ៊ុន Sumitomo Forestry បាននិយាយថា ខ្លួនបានចាប់ផ្តើមស្រាវជ្រាវអំពីការលូតលាស់ដើមឈើ និងការប្រើប្រាស់ឈើនៅក្នុងលំហអវកាស។ ភាពជាដៃគូនេះនឹងចាប់ផ្តើមពិសោធន៍ទៅលើប្រភេទឈើផ្សេងៗនៅក្នុងបរិស្ថានដែលមិនអំណោយផលនៅលើផែនដី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សំរាមក្នុងទីអវកាសកំពុងក្លាយជាបញ្ហាកាន់តែអាក្រក់ទៅៗ ដោយសារតែផ្កាយរណបកាន់តែច្រើនត្រូវបានបង្ហោះទៅក្នុងបរិយាកាស។

ផ្កាយរណបធ្វើពីឈើនឹងឆេះដោយមិនបញ្ចេញសារធាតុគ្រោះថ្នាក់ចូលក្នុងបរិយាកាស និងមិនធ្លាក់កំទិចនៅពេលដែលវាចុះមកផែនដីវិញ។

ក្រុមហ៊ុន Sumitomo Forestry ដែលជាផ្នែកមួយនៃ Sumitomo គ្រុបដែលត្រូវបានបង្កើតឡើងជាង400ឆ្នាំមុនបាននិយាយថា ខ្លួននឹងធ្វើការអភិវឌ្ឍឈើដែលធន់ខ្លាំងនឹងការប្រែប្រួលសីតុណ្ហភាព និងពន្លឺព្រះអាទិត្យ។

ក្រុមអ្នកជំនាញបានព្រមានពីការកើនឡើងនៃការគំរាមកំហែងពីសំរាមអវកាស ដែលបានធ្លាក់មកផែនដីនៅពេលដែលយានអវកាស និងផ្កាយរណបកាន់តែច្រើនត្រូវបានបាញ់បង្ហោះ។

ផ្កាយរណបកំពុងត្រូវបានប្រើកាន់តែខ្លាំងឡើងសម្រាប់ការទំនាក់ទំនង ទូរទស្សន៍ ការរុករក និងការព្យាករណ៍អាកាសធាតុ។ ក្រុមអ្នកជំនាញនិងអ្នកស្រាវជ្រាវអវកាសបាននិងកំពុងធ្វើការស្រាវជ្រាវលើជម្រើសផ្សេងៗ ដើម្បីយកចេញនិងកាត់បន្ថយសំរាមអវកាស។

យោងតាមវេទិកាសេដ្ឋកិច្ចពិភពលោក (WEF) បានបង្ហាញថា មានផ្កាយរណបជិត6,000 ហោះជុំវិញផែនដី ហើយប្រហែល60ភាគរយនៃពួកវាគឺជាសំរាមអវកាស៕

• វិទ្យាសាស្រ្ត
• អនាគត