កម្សាន្ត៖ តារាចម្រៀងប៉ុប Madonna បានប្រារព្ធខួបកំណើតគម្រប់ ៦៧ ឆ្នាំរបស់ខ្លួន យ៉ាងសប្បាយរីករាយនៅក្នុងប្រទេសអ៊ីតាលី ជាមួយនឹងគូស្នេហ៍វ័យក្មេង លោក Akeem Morris ។
នៅលើ Instagram កាលពីថ្ងៃទី ១៩ ខែសីហា កន្លងទៅនេះ តារាចម្រៀងស្រី Madonna បានចែករំលែកវីដេអូពីដំណើរកម្សាន្តដ៏ប្រណិតរបស់ខ្លួន ដើម្បីប្រារព្ធខួបកំណើតគម្រប់ ៦៧ ឆ្នាំ។ តារាចម្រៀងស្រីរូបនេះ បានបង្ហាញពីពេលវេលាជាច្រើន ពីពិធីជប់លៀងដ៏រីករាយ ដូចជាការរាំជាមួយមិត្តប្រុសរបស់នាង រីករាយជាមួយនំខេកដ៏ធំ មើលការប្រណាំងសេះនៅទីលាន Piazza del Campo និងរីករាយជាមួយការបាញ់កាំជ្រួចដ៏អស្ចារ្យនៅលើមេឃ។ តារាចម្រៀងរូបនេះ ថែមទាំងបានផ្លាស់ប្តូរសម្លៀកបំពាក់គួរឱ្យចាប់អារម្មណ៍ ដោយពេលខ្លះ រូបនាងស្លៀករ៉ូបពណ៌ផ្កាឈូក ជួនកាលស្លៀករ៉ូបផ្កា រ៉ូបសូត្របង្អួតរាងដ៏គួរឱ្យទាក់ទាញ។
ក្នុងការបង្ហោះនោះ Madonna បានចែករំលែកអារម្មណ៍រំភើបពេលសុបិនរបស់នាងក្លាយជាការពិត ក្នុងឱកាសដ៏ពិសេសនេះ។ រូបនាង បានសរសេរថា «វាជាក្តីសុបិនរបស់ខ្ញុំអស់រយៈពេលជាច្រើនឆ្នាំ ដើម្បីធ្វើជាសាក្សីការប្រណាំង Palio នៅ Siena ដែលបានប្រារព្ធធ្វើនៅថ្ងៃខួបកំណើតរបស់ខ្ញុំ តាំងពីឆ្នាំ ១៤៨២។ មិនមានពាក្យណាមួយដើម្បីពិពណ៌នាអំពីភាពរំភើប ភាពតានតឹង នឹងពិធីនេះទេ»។ Madonna ក៏បានសរសេរថា វាជាបទពិសោធន៍ដែលមិនអាចពិពណ៌នាបាន។
Madonna ក៏ត្រូវបានថតដោយអ្នកសារព័ត៌មានអ៊ីតាលី ខណៈដែលនាងកំពុងមើលការប្រណាំង ពីយ៉រ ជាមួយគូស្នេហ៍របស់នាង និងកូនបួននាក់ក្នុងចំណោមប្រាំមួយនាក់របស់នាង។ តារាចម្រៀងរូបនេះ ស្លៀកពាក់អាវពណ៌ស្វាយ តុបតែងខ្លួនបែបបុរាណ និងកាន់ផ្លិតក្រដាសយ៉ាងទាក់ទាញ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
