កំហុសដ៏ធំបំផុត របស់មនុស្សគឺ ចំណាយពេល ទៅធ្វើរឿងឥតប្រយោជន៍ ទាំងនេះច្រើនពេក

យល់ដឹង៖ អ្នកមិនអាច គ្រប់គ្រងលើ អ្នកដទៃបាននោះទេ ប៉ុន្តែ អ្នកអាចគ្រប់គ្រង លើខ្លួនឯងបាន អ្នកមិនអាច គ្រប់គ្រង អាកាសធាតុបានទេ ប៉ុន្តែ អ្នកអាចផ្លាស់ប្តូរ អារម្មណ៍របស់ អ្នកបាន។ ហេតុនេះ កុំចំណាយពេល និងប្រឹងប្រែង ឥតប្រយោជន៍លើរឿង ទាំង៤យ៉ាងនេះ ព្រោះវានាំតែធ្វើឲ្យ ជីវិតអ្នកឥតប្រយោជន៍ តែប៉ុណ្ណោះ។

តោះចង់ដឹងថា មានរឿងអ្វីខ្លះ សូមទៅយល់ដឹង ទាំងអស់គ្នា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ប្រៀបធៀបនឹងអ្នកដទៃ

កំហុសមួយ ដ៏ធំបំផុតនៃ ជីវិតមនុស្សគឺ តែងតែប្រៀបធៀប ខ្លួនឯងទៅ និងអ្នកដទៃ។ ចាំថាការដែល ប្រៀបធៀបខ្លួនយើង និងអ្នកដទៃ មានតែធ្វើឲ្យ អ្នកមិនសប្បាយចិត្ត និងមានភាព ច្របូកច្របល់ ខាងផ្លូវចិត្ត របស់យើង តែប៉ុណ្ណោះ។ ហើយបើនៅតែ បន្តធ្វើបែបនេះ វានាំតែធ្វើឲ្យ អ្នកបាត់បង់ ភាពជាខ្លួនឯង តែប៉ុណ្ណោះ។

២. ចិត្តល្អចំពោះអ្នកដែលមិនគួរទទួល

អ្នកនិពន្ធ សញ្ជាតិអាមេរិកម្នាក់ ដែលមានឈ្មោះថាMarK Twain បានលើកឡើងថា ភាពសប្បុរសគឺជា ភាសាដែល មនុស្សខ្វាក់ អាចមើលឃើញ ហើយមនុស្សថ្លង់អាច មានអារម្មណ៍។ ប៉ុន្តែប្រសិនបើ យើងសប្បុរស ចំពោះមនុស្សខុស គឺជាភាសាមួយ ដែលធ្វើឲ្យ មនុស្សធម្មតា មិនអាចយល់បាន។ ទស្សនវិទូ ជនជាតិអាមេរិកEmerson បាននិយាយថា សេចក្តីសប្បុរសរបស់អ្នក គឺត្រូវតែធ្វើ នៅពេលដែល ត្រឹមត្រូវ បើមិនចឹងទេវាគឺ ស្មើនឹងសូន្យ។

តើអ្នកធ្លាប់ នៅក្នុងកាលៈទេសៈមួយ ដែលកំពុងតែលំបាកខ្លាំង ហើយត្រូវការជំនួយ តែគ្មានអ្នកជួយដែរទេ? ចំពោះមនុស្សមួយចំនួន ពួកគេនឹងចេះតែ ទទួលយកគុណ និងអំពើល្អ ដែលអ្នកផ្តល់ទៅឲ្យ ទៅពួកគេតែប៉ុណ្ណោះ តែពួកគេនឹងមិន ចេះពីវិធីតបស្នង សងគុណមក អ្នកវិញនោះទេ។ ហេតុនេះយល់ល្អ អ្នកគួរកាត់បន្ថយ ការជួយមនុស្សប្រភេទនេះ។ ព្រោះគេសម្លឹងឃើញតែ ប្រយោជន៍ពីខ្លួនអ្នក តែប៉ុណ្ណោះ តែប្រសិនបើអ្នក ធ្លាក់ទឹកហើយ ពួកមនុស្ស ទាំងនោះក៏នឹង ចាកចេញពីអ្នក ទៅអស់ផងដែរ។ ហេតុនេះ នៅក្នុងពិភពលោកនេះ បើមានតែសេចក្តី សប្បុរសនិងឆន្ទៈ ក្នុងការជួយ គឺមិនទាន់ គ្រប់គ្រាន់នោះទេ។ អ្វីដែលអ្នកត្រូវនោះគឺ ភាពសប្បុរសនិង ការចេះមើល មនុស្សផងដែរ។

៣. បន្តសោកស្តាយរឿងដែលគ្មានន័យ

ការសោយស្តាយគឺជា អារម្មណ៍មួយដែល គ្មានឥតប្រយោជន៍បំផុត។ ប៉ុន្តែ វានៅតែធ្វើឲ្យ មនុស្សជាច្រើន ញៀនហើយមិនព្រម ប្រលែងវាចេញ ពីចិត្តដដែរ។ ការពិតគឺថា ការសោកស្តាយ មិនអាចធ្វើ ការផ្លាស់ប្តូររឿងពី អតីតកាលអ្វី បានទាំងអស់ វាមានតែធ្វើឲ្យ អ្នកនៅតែមានអារម្មណ៍ ឈឺចាប់តែប៉ុណ្ណោះ។

សន្តិភាពផ្លូវចិត្តគឺជា រឿងដែលសំខាន់ ជាងអ្វីទាំងអស់។ ចំពោះរឿង ដែលកើតឡើងហើយ ឲ្យវាកន្លងទៅចុះ អ្វីដែលអ្នកត្រូវធ្វើគឺ រៀនពីបទពិសោធន៍ទាំងនោះ ហើយធ្វើយ៉ាងណា កុំឲ្យបច្ចុប្បន្នកាល មានភាពសោកស្តាយ តទៅទៀត។ ព្រោះថា ការសោកស្តាយ មិនអាចជួយអ្វីអ្នក ឬក៏ប៉ះពៅ នៅកំហុសឆ្គង ដែលអ្នកបានធ្វើ បាននោះទេ។ ហេតុនេះ អ្វីដែល អ្នកត្រូវធ្វើគឺ ការទទួលស្គាល់ ប្រឈមមុខ និងហ៊ានទទួលយករឿង ដែលកើតឡើងនោះ ហើយផ្តោតលើបច្ចុប្បន្នកាល និងអនាគតកាលវិញ។

៤. ត្អូញមិនដែរឈប់

ការត្អូញត្អែរគឺ ប្រៀបដូចជា ដុំមហារីកមួយ ដ៏សាហាវ នៅក្នុងខ្លួនរបស់យើង។ វារីករាលដាល យ៉ាងឆាប់រហ័ស នៅពេលដែល អារម្មណ៍អ្នកមិនល្អ។ ដូច្នេះ ឱសថដែលល្អ តែមួយគត់ ដើម្បីព្យាបាលវាគឺ អ្នកត្រូវចេះ គ្រប់គ្រងអារម្មណ៍ កុំឲ្យអារម្មណ៍របស់អ្នក នាំមុខអ្នកបាន។ ហេតុនេះ រៀនចេះក្នុង ការគ្រប់គ្រងអារម្មណ៍ របស់អ្នក គឺជាវិធីសាស្ត្រ ដែលល្អមួយ ក្នុងការបញ្ឈប់នៅ ការត្អូញត្អែរ តទៅទៀត។ ត្រូវចាំថា ជីវិតនេះគឺ ខ្លីខ្លាំងណាស់ តើហេតុអ្វី អ្នកត្រូវយករឿង ឥតប្រយោជន៍ទាំងនោះ មករំខាន់ជីវិត របស់អ្នកច្រើនម្ល៉េះ៕

ជីវិត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

កំហុស​ដ៏ធំ​បំផុត​ របស់​មនុស្ស​គឺ ​ចំណាយ​ពេល​ ទៅ​ធ្វើ​រឿង​ឥត​ប្រយោជន៍ ​ទាំងនេះច្រើន​ពេក​

In Case You Missed It

កំហុសដ៏ធំបំផុត របស់មនុស្សគឺ ចំណាយពេល ទៅធ្វើរឿងឥតប្រយោជន៍ ទាំងនេះច្រើនពេក