ផ្អើលពេញហ្វេសប៊ុក! ក្រោយ លោកស័ក្ត៤កន្លះ​ម្នាក់ ស្លាប់ភ្លាមៗ ដោយត្រូវគេបាញ់សម្លាប់ គ្រាន់ទំនាស់ប៉ះឡានគ្នាសោះ

ភ្នំពេញ៖ ជារឿងមួយដ៏គួរឲ្យរន្ធត់ចិត្តយ៉ាងក្រៃលែង ក្រោយមាន នាយរងការិយាល័យ ព្រហ្មទណ្ឌកម្រិតស្រាលម្នាក់ ត្រូវបានគេបាញ់សម្លាប់ នៅវេលាម៉ោង១២និង៣០នាទី ឈានថ្ងៃពុធ ទី៣០ ខែធ្នូ ឆ្នាំ២០២០  នៅតាមបណ្តោយ មហាវិថីសហពន្ធរុស្សុី​ ជាប់របងព្រលាន យន្តហោះ អន្តរជាតិភ្នំពេញ សង្កាត់កាកាបទី២ ខណ្ឌពោធិ៍សែនជ័យ​ រាជធានីភ្នំពេញ។ 

ចំពោះ ជនរងគ្រោះដែលស្លាប់ មានឈ្មោះ រ៉េត សុីណែត  ភេទប្រុស អាយុ៤០ឆ្នាំ មានមុខរបរ នាយរងការិយាល័យ ព្រហ្មទណ្ឌកម្រិត ស្រាល រាជធានីភ្នំពេញ ជិះរថយន្តម៉ាក Ford Raptor ពណ៌ស   ចំណែកជនដៃដល់ជិះរថយន្តម៉ាក Lexus RX300 ពណ៌ខ្មៅ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បើតាមអ្នកដែលឃើញហេតុការណ៍នោះ បានឲ្យដឹងថា ដំបូងឡើយ គេបានឃើញរថយន្តជនរងគ្រោះ បើកតាម បណ្ដោយផ្លូវសហព័ន្ធរុស្ស៊ីក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់តែមានរថយន្តជនដៃដល់ បានបើកស្របទិសគ្នា បានមកបុកចំគូថរថយន្តជនរងគ្រោះ ផ្នែកខាងក្រោយ បណ្ដាលឲ្យបែកស្តុប និងឆ្កូតកាងបន្តិចបន្តួច។ ប៉ុន្តែស្រាប់តែបន្តិចក្រោយមក ក៏មានការបាញ់បោះយ៉ាងសាហាវ រហូតធ្វើឲ្យជនរងគ្រោះ បានស្លាប់ភ្លាមៗផងដែរ ហើយសមត្ថកិច្ច ក៏បានរើសគ្រាប់កាំភ្លើង នៅកន្លែងហេតុ គឺមានទៅដល់ចំនួន៩គ្រាប់ឯណោះ៕

ខ្មែរឡូត សូមចូលរួមរំលែកទុក្ខទៅកាន់ គ្រួសារសពផងដែរ ដែលជួបហេតុការណ៍ យ៉ាងរន្ធត់បែបនេះ!!