សង្សារចាស់Justin បង្ហាញសម្រស់ថ្មី ក្រោយពីត្រូវសុនខខាំត្រង់បបូរមាត់កាលពីប៉ុន្មានឆ្នាំមុន

បរទេស៖ កាលពីថ្មីៗនេះ តារាបង្ហាញម៉ូត Sahara Ray ដែលធ្លាប់ជាសង្សារចាស់របស់ Justin Bieber នៅក្នុងឆ្នាំ២០១៦ បានបង្ហាញសម្រស់ដ៏ស្អាត ជាពិសេសគឺត្រង់មាត់ដែលមិនមានលក្ខណៈ រីកធំដូចទា ដូចជាកាលប៉ុន្មានឆ្នាំមុន សោះឡើយ។

ដោយឡែក កាលពីប៉ុន្មានឆ្នាំកន្លងផុតទៅ តារាស្រីវ័យ២៧ឆ្នាំរូបនេះ បានបង្ហោះរូបក្នុងបណ្តាញសង្គម Instagram ដោយបង្ហាញសម្រស់ដ៏ស្រស់ស្អាតប្រិមប្រិយប៉ុន្តែមាត់រាងហើមដូចឃ្មុំទិច ត្រង់បបូរមាត់ខាងលើ ដោយកញ្ញាបានប្រាប់អ្នកគាំទ្រថារបួសនេះគឺដោយសារត្រូវសុនខខាំ ប៉ុន្តែនៅដើមខែ នេះកញ្ញាក៏បានសម្រេចចិត្តបង្ហាញរូបភាពខ្លួនម្តងទៀត ដោយលើកនេះ គឺមិនមានស្នាមរបួសឬ សម្លាកសេសសល់ត្រង់ចំណុចដែលធ្លាប់របួសអីបន្តិចសោះឡើយ គឺអាចនិយាយបានថាសម្រស់ស្អាតរបស់កញ្ញាគឺវិលត្រឡប់មកវិញដូចដើមវិញផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោយពីបានឃើញដូច្នេះរួចមក អ្នកគាំទ្រក៏បានឆ្ងល់ថាគ្រាន់តែសុនខខាំសោះម៉្តេចក៏រីកប៉ោងស្គុលមើលតែឃ្មុំទិចអញ្ចឹង ហើយត្រង់ចំណុចរបួសវិញឃើញតែរបួសមួយចំណុចតែប៉ុណ្ណោះ ដោយហ្វេនមួយចំនួនដូចជាមិនសូវជឿនៅការបកស្រាយនេះឡើយ ដោយពួកគេបានយល់ឃើញថាតារាម្នាក់នេះបានកែកុនត្រង់ចំណុចមាត់បន្ថែម៕

សូមចូលទស្សនារូបភាពខាងក្រោម៖

• យុវវ័យ
• តារាអន្តរជាតិ