៨ យ៉ាងដែលមិនគួរ និយាយទៅកាន់ អ្នកគាំទ្រ Kpop បើអ្នកមិនចង់មានបញ្ហា!

កូរ៉េខាងត្បូង ៖ ជាការពិតណាស់ វិស័យ Kpop ពិតជារីកចម្រើនយ៉ាងខ្លាំង ដែលមានការល្បីល្បាញទូទាំងពិភពលោកមិនថា នៅអាស៊ី ឬអឺរ៉ុប ហេតុដូចនេះហើយមានន័យថា អ្នកគាំទ្ររបស់ពួកគេមាននៅគ្រប់ទីកន្លែង ។

ទន្ទឹមនឹងនេះ វិស័យនេះកាន់តែរីកស្គុះស្គាយឡើងនាពេលបច្ចុប្បន្ននេះ ហើយជាក់ស្តែងអ្នកដែលគាំទ្រវិស័យនេះភាគច្រើន អាចនឹងយល់ពីគ្នាបានឆាប់រហ័យ និងមានភាពស្រដៀងគ្នាច្រើន ស្របពេលដែលអ្នកដែលមិនមែនជាអ្នកគាំទ្រ មិនយល់ឡើយ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែទោះជាយ៉ាងណា បើអាច ដាច់ខាតសូមកុំនិយាយរឿងទាំង ៨ នេះ ចំពោះហ្វេន Kpop ឲ្យសោះ​ ដូចជា៖

១. ហេតុអ្វីបានជាអ្នកស្តាប់បទចម្រៀង Kpop ទាំងដែលអ្នកមិនចេះភាសាកូរ៉េមួយម៉ាត់ផង?

អ្នកដែលមិនមែនជាហ្វេន Kpop ភាគច្រើនពិតជាមិនយល់សោះថា អ្នកដែលមិនចេះភាសាកូរ៉េ មួយម៉ាត់សោះអាចរីករាយជាមួយនឹងបទ Kpop បានយ៉ាងម៉េច? ប៉ុន្តែចំណុចនេះ មានតែអ្នកគាំទ្រទើបអាចយល់បាន ពួកគេជឿជាក់ថាតន្ត្រីជាភាសាសកល ដែលមានន័យថាទោះជាមិនចេះភាសានោះ ក៏នៅតែអាចរីករាយនឹងបទចម្រៀងនោះបាន ។

២. មិនគួរនិយាយថា “តារាប្រុសម្នាក់នេះមុខដូចស្រី! ឬ តារាស្រីម្នាក់នេះមុខដូចប្រុស!”

ពួកគេតែងតែនិយាយបែបនេះ ព្រោះភាគច្រើនពួកគេសង្កេតឃើញតារាទាំងនោះភាគច្រើន តែងខ្លួនCute ជាពិសេសការ Make up ឧទាហរណ៍ជាក់ស្តែងតារាប្រុស Kpop ភាគច្រើនមិនមានពុកមាត់នោះទេ ហើយថែមទាំងផ្លាស់ប្តូរពណ៍សក់របស់ពួកគេទៅជាពណ៍ក្រហម ឬផ្កាឈូកជាដើម ហើយតារាស្រីខ្លះទៀតក៏បានតុបតែងខ្លួនប្រុសផងដែរ  ។

៣. មិនគួរសន្មត់ថា តារាៗទាំងសុទ្ធតតែវះកាត់កែសម្ជស្សនោះទេ!

ពិតណាស់តារាៗមួយចំនួនសុទ្ធតែមានជំនួយពីការកែសម្ជស្ស តែវាមិនខុសឡើយព្រោះពួកគេជាតារា ប្រាកដជាត្រូវការសម្រស់ស្រស់ស្អាតដូចមនុស្សទូទៅដែរ ប៉ុន្តែមិនមែនមានន័យថា គ្រប់ តារាទាំងអស់សុទ្ធតែកែសម្រស់ទេ​ ព្រោះ Idol ខ្លះមានរូបរាង និងមុខមាត់ស្រស់ស្អាតតាំងពីកំណើតមកម្លេះ  ជាក់ស្តែងដូចជា V ជាដើម  ។

៤. មិនគួរនិយាយថា “អ្នកមិនគួរចំណាយលុយទៅទិញ Album ឬ សំបុត្រConcert និងសម្ភារៈផ្សេងៗទាក់ទងនឹងពួកគេនោះទេ​”!

ហ្វេនភាគច្រើនបានចំណាយលុយ ទិញ Album របស់របរផ្សេងៗ និងសំបុត្រសម្រាប់ការចូលទស្សនា Concert ព្រោះនេះជាសេចក្តីសុខរបស់ពួកគេ ហើយមិនមែនគ្រប់គ្នាសុទ្ធតែយល់អារម្មណ៍នេះនោះទេ ។

៥. មិនគួរសន្មត់ថា តារាទាំងអស់សុទ្ធតែមានមុខដូចគ្នានោះទេ!

វាជាការពិតមែនដែលតារាភាគច្រើនតែងខ្លួនស្រដៀងគ្នា មើលមួយភ្លែតអាចនឹងច្រឡំ តែក៏មិនមែនមានន័យថាពួកគេមានមុខដូចគ្នា មួយរយភាគរយដែរ ។

៦. មិនគួរសួរពួកគេថា “តើអ្នកចំណាយលុយទិញ Album ដើម្បីអី បើអ្នកអាច Download វាពី YouTube បាន?”

ភាគច្រើនអ្នកដែលមិនមែនជាអ្នកគាំទ្របានសួរថា តើអ្នកចំណាយលុយទិញ Album ធ្វើអីបើបទចម្រៀងនោះអាច Download បានតាមអ៊ីនធើណែតសោះ! តែការពិត ហ្វេនខំសន្សំលុយដើម្បីទិញ Album នោះក៏ដោយសារតែ ពួកគេស្រលាញ់ និងចង់គាំទ្រផលិតផលពិត ជាពិសេសពួកគេរីករាយនឹងការដូផ្សេងៗ ដែលមាននៅក្នុង Album នោះទាំងសៀវភៅរូបភាព និងPhotocard ជាដើម ។

៧. មិនគួរសួរថាតារាទាំងនោះ ជាភេទទី៣ មែនទេ?

សំណួរនេះតែងតែឮជារឿយៗ ក្នុងពេលដែលពួកគេបានឃើញតារាៗជាច្រើនមិនថាប្រុស ឬស្រីស្និតស្នាល ឬអោបគ្នាជាមួយតារាៗដែលមានភេទដូចគ្នា។ ទាំងនេះមិនមែនមានន័យថាពួកគេជាភេទទី ៣ទេ តែផ្ទុយទៅវិញនេះវាគ្រាន់តែការបង្ហាញពីការស្រលាញ់រាប់អានគ្នា ប្រៀបដូចជាបងប្អូនតែប៉ុណ្ណោះ ។

៨. មិនគួរនិយាយថា​ “អ្នកស្រលាញ់ពួកគេព្រោះតែពួកគេ ស្រស់ស្អាត ឬសង្ហា!”

ជាការពិតណាស់ តារាៗ Kpop ភាគច្រើនពួកគេមានសម្រស់ស្រស់ស្អាត និងសង្ហាៗតែក៏មិនមែនមានន័យថា អ្នកគាំទ្រទាំងអស់សុទ្ធតែមើលឃើញពីសម្រស់ពួកគេនោះទេ សមត្ថភាព អត្ថចរឹក គោលដៅ និងការខិតខំប្រឹងប្រែងព្យាយាមរបស់ពួកគេទៅវិញទេដែលអ្នកគាំទ្រភាគច្រើនស្រលាញ់ ។

• តារាកូរ៉េ