ប្រទះឃើញ Nadech នៅផ្សារមើលទៅធាត់ខ្លាំងដុះក្បាលពោះច្រឡំស្មានប៉ាអ៊ំ

ថៃ៖  កាលពីពេលថ្មីៗកន្លងទៅនេះ គេប្រទះឃើញរូបភាពប៉ុន្មានសន្លឹករបស់តារាសម្តែងលំដាប់ជួរមុខប៉ុស្តិ៍លេខ ៣  Nadech Kugimiya នៅឯផ្សារទំនើបមួយកន្លែង ហាក់ដូចជាកំពុងទទួលបានការចាប់អារម្មណ៍ជាខ្លាំង ពីសំណាក់ហ្វេនៗ ក៏ដូចជាមហាជនផងដែរ។

ជាក់ស្តែង តាមរយៈរូបភាពជាច្រើនសន្លឹកនេះ ស្រាប់តែធ្វើឲ្យហ្វេនភ្ញាក់ផ្អើលខ្លាំងតែម្ដង ព្រោះតែស្ទីលតុបតែងខ្លួនរបស់ Nadech  ក៏ដូចជារូបរាងរបស់លោកម្តងនេះ ទោះខំពិនិត្យមើលយ៉ាងណាក៏មិនដូចតារាប្រុសនេះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ជាមួយគ្នានេះរូបលោក បានពាក់អាវកាក់វាលក្លៀកពណ៌ស ជាមួយខោជើងត្រង់ អមទៅនឹងស្បែកជើងស៊ក ជាពិសេសនោះរូបរាងរបស់តារាប្រុសរូបនេះ​បានប្រែប្រួលទាំងស្រុង ដោយបានឃើញក្បាលពោះយ៉ាងច្បាស់ ដូចជាប៉ាអ៊ុំដើរផ្សារទិញឥវ៉ាន់ ដែលធ្វើឲ្យមហាជន មើលសឹងតែមិនចង់ស្គាល់ថាជា Nadech ។

ទៀតសោត ក្រោយពីឃើញបែបនេះ មហាជនជាច្រើនបានលើកឡើងថា ទោះបីជារូបលោក តារាល្បី តែចូលចិត្តប្រើប្រាស់ជីវិតសាមញ្ញ តែងខ្លួនបែបស្រួលៗ តែយ៉ាងណាមិញ ក៏មានគេហួសចិត្តខ្លះផងដែរ ​ជាមួយរូបរាងឡើងទម្ងន់របស់តារាសម្តែងរូបនេះ ហេតុអ្វីបានជាបណ្តោយខ្លួនទៅជាបែបនេះ ព្រោះវាពិតជាខុសដាច់ ដូចមនុស្សពីរនាក់ផ្សេងគ្នា៕

សូមទស្សនារូបភាពខាងក្រោម៖ 

• តារាថៃ