កូរ៉េខាងត្បូង​ ៖ នៅល្ងាចថ្ងៃទី ៣ ខែ មករា ឆ្នាំ ២០២១ កាលពីម្សិលមិញនេះ Jimin សមាជិកក្រុម BTS បានបង្ហោះសារនៅលើ Weverse ជាមួយនឹងឃ្លាថា “Jung In-ah ខ្ញុំសុំទោស” ។ 

ជាពុម្ពអក្សរធម្មតា និងផ្ទៃខាងក្រោយពណ៌ខ្មៅ ប៉ុន្តែដំបូងឡើយ ការបង្ហោះបែបនេះ បានធ្វើឱ្យអ្នកគាំទ្ររបស់លោក មកពីគ្រប់ទិសទី ជុំវិញពិភពលោក មានការងឿងឆ្ងល់ថា តើមានអ្វីកើតឡើង រហូតដល់ពួកគេបានរកឃើញការពិត ដែលនាំឱ្យម្នាក់ៗ ខូចចិត្តអំពីរឿងនេះ​ យ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
សាររបស់ Jimin

ថ្មីៗនេះ ទូរទស្សន៍ SBS បានចាក់ផ្សាយកម្មវិធី  “Unanswered Questions” និយាយពីរឿងរ៉ាវគួរឲ្យរន្ធត់ របស់ក្មេងស្រី Jung In អាយុ ១៦ខែ ដែលបានស្លាប់កាលពីឆ្នាំមុន បន្ទាប់ពីត្រូវបានរំលោភបំពាន ដោយឪពុកម្តាយចិញ្ចឹម។ តាមការណែនាំរបស់សមាគមន៍ ការពារការរំលោភបំពានលើកុមារកូរ៉េខាងត្បូង​ បានជួយគ្នាធ្វើយុទ្ធនាការមួយឡើង ដើម្បីទទួលបានការយកចិត្តទុកដាក់ និងការយល់ដឹងពីអ្នកគាំទ្រអន្តរជាតិ ទៅលើការពារ ការរំលោភបំពានលើកុមារទូទាំងពិភពលោក ដោយរួមគ្នាធ្វើយុទ្ធនាការ # 정인아 _ 미안해 (ខ្ញុំសុំទោសJung In)។

Jung In

ក្រោយមក កាលពីម្សិលមិញនេះ Jimin សមាជិកក្រុម BTS ក៏បានចូលរួម ក្នុងយុទ្ធនាការនេះផងដែរ ដោយលោកបានបង្ហោះវា នៅលើបណ្តាញសង្គម Weverse ដែលធ្វើឲ្យអ្នកគាំទ្រជាច្រើន មានការងឿងធ្ងល់យ៉ាងខ្លាំង។

អ្នកគាំទ្រ

ទន្ទឹមនឹងនោះ អ្នកគាំទ្រជុំវិញពិភពលោក ចាប់ផ្តើមស្វែងរកការពិត នៅពីក្រោយយុទ្ធនាការនេះ។ បន្ទាប់ពីបានដឹង រឿងដ៏គួរឲ្យសោកសៅនៅពីក្រោយ យុទ្ធនាការ “ខ្ញុំសុំទោសJung In” នេះ ពួកគេក៏បានរួមគ្នាបន្តធ្វើឲ្យ​ យុទ្ធនាការនេះ ឲ្យលោតឡើងទៅលេខ ១ ទូទាំងពិភពលោក ជាមួយនឹងការខូចចិត្ត និងសោកស្តាយ។

អ្នកគាំទ្រ

គួរបញ្ជាក់ផងដែរថា Jung In គឺជាកុមារី អាយុ ១៦ ខែ ម្នាក់ដែលបានស្លាប់ បន្ទាប់ពីត្រូវឪពុកម្តាយចិញ្វឹមរំលោភបំពាន និងធ្វើទារុណកម្មយ៉ាងព្រៃផ្សៃ បណ្តាលឲ្យពោះវៀន និងលំពែងរបស់នាង រងការខូចខាតយ៉ាងខ្លាំងរហូតដល់ជួយសង្គ្រោះលែងបាន៕

អ្នកគាំទ្រ
អ្នកគាំទ្រ
អ្នកគាំទ្រ

ខ្ញុំសុំទោស Jung In-ah !

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]


SPONSORED CONTENT