កាន់តែច្រើន​! ថ្ងៃនេះប្រទេសថៃ ​រកឃើញអ្នកឆ្លងកូវីដ១៩ថ្មី ​ជាង៧​០០នាក់បន្ថែមទៀត

បាងកក៖ នៅថ្ងៃច័ន្ទនេះ ក្រសួងសុខាភិបាលថៃបានប្រកាសរកឃើញអ្នកឆ្លងកូវីដ-១៩ថ្មី ចំនួន ​៧៤៥នាក់ និងអ្នកស្លាប់ម្នាក់បន្ថែមទៀត ដែលធ្វើឱ្យតួលេខអ្នកឆ្លងសរុបមាន ៨,៤៣៩នាក់ ខណៈអ្នកស្លាប់កើនដល់ ៦៥នាក់។ នេះបើតាមការចុះផ្សាយរបស់សារព័ត៌មាន Reuters ។

ប្រភពដដែលបានឱ្យដឹងទៀតថា ក្នុងចំណោមករណីឆ្លងថ្មីទាំង ​៧៤៥ករណីនេះ គឺមាន ៧០៩ករណី ជាករណីឆ្លងក្នុងសហគមន៍ ដោយក្នុងនោះ ៥៥៧ករណី ជាពលករចំណាកស្រុក ចំណែក ១៥២ករណី ជាពលរដ្ឋថៃផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរជម្រាបដែរថា ករណីឆ្លងថ្មីៗនេះ គឺភាគច្រើន​ត្រូវបានរកឃើញនៅក្នុងខេត្ត​សាមុតសាខន ជិតទីក្រុងបាងកក ដែលជាខេត្តមានការផ្ទុះឡើងនៃករណីឆ្លង​កាលពីពាក់កណ្តាលខែធ្នូកន្លងទៅ៕