វីដេអូវាយបំបែកឪឡឹក ដោយដៃមួយរបស់នារីសាច់ដុំក្នុងរឿង Sweet Home កំពុងធ្វើឲ្យហ្វេន បើកភ្នែកធំៗ!

កូរ៉េខាងត្បូង ៖ ចាប់តាំងពីខ្សែភាពយន្ត រឿង Sweet Home ត្រូវបានចាក់បញ្ជាំងក្នុងកម្មវិធី Netflix រឿងនេះហាក់ទទួលបានការគាំទ្រយ៉ាងខ្លាំង ពីសំណាក់អ្នកគាំទ្រ ជាពិសេសគឺ Lee Si Young តារាស្រីក្នុងរឿង នេះផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងរឿង Sweet Home ទទួលបានជោគជ័យខ្លាំងនោះ តារាសម្តែងស្រី Lee Si Young ដែលដើរតួជាអ្នកពន្លត់អគ្គីភ័យ ក៏ទទួលបានការចាប់អារម្មណ៍ខ្លាំង ពីសំណាក់អ្នកគាំទ្រដែរ បន្ទាប់ពីតារាស្រីរូបនេះបង្ហាញរូបរាងដ៏ល្អឥតខ្ចោះរបស់នាង។

អ្វីដែលកាន់តែពិសេសនោះ នៅពេលដែលអ្នកគាំទ្រ ដឹងថាអតីតកាលរបស់ Lee Si Young ជាអ្នកប្រដាល់អាជីពដ៏ជោគជ័យម្នាក់ ក៏បង្ករឲ្យមានការភ្ញាក់ផ្អើលយ៉ាងខ្លាំង។ លើសពីនេះទៅទៀត Lee Si Young ក៏ធ្លាប់បានបង្ហោះវីដេអូមួយនៅលើគណនី TukTok របស់នាង @leesiyoung38 ដែលនៅក្នុងវីដេអូនោះ តារាស្រីរូបនេះបានវាយបំបែកឪឡឹកមួយទាំងមូល ដោយដៃមួយចំហៀងរបស់នាង។

នៅក្នុងវីដេអូនោះមានចំណងជើងថា ៖

គួរបញ្ជាក់ផងដែរថា វីដេអូនេះត្រូវបានបង្ហោះនៅក្នុង​ ខែ តុលា ឆ្នាំ ២០២០ ចាប់តាំងពីពេលនោះ មានអ្នកទស្សនាចំនួន ៤,១ លានដង។ ហើយក៏មានអ្នកគាំទ្រមួយចំនួននិយាយថា ៖

“ខ្ញុំបានមើលវីដេអូនោះយឺតៗ ខ្ញុំគិតថានាងពិតជាបានបំបែកវាពិតមែន ព្រោះឪឡឹកនោះបានបែកតាមស្នាមដៃរបស់នាង!”

“នាងពិតជាបានបំបែកវាពិតមែន!”

“ខ្ញុំគិតថានាងបាន ធ្វើឲ្យឪឡឹកនោះបែកបន្តិចរួចទៅហើយមុននឹងថត បានជានាងអាចបំបែកវាដោយកម្លាំងតែបន្តិចបន្តួច”...

តែការពិត មិនទាន់ត្រូវបានបង្ហាញឱ្យដឹងនៅឡើយទេ៕

@leesiyoung38

먹을때 방해하지마 ##이시영 ##먹방 ##mukbang ##acting ##우쥬록스

♬ 오리지널 사운드 - 이시영

• វីដេអូ
• តារាកូរ៉េ