ដឹងអត់ថាពេលវេលាទាំងនេះ មិនស័ក្ដិសមញ៉ាំតែបៃតង?

យើងដឹងហើយថា ការញ៉ាំតែបៃតងផ្ដល់នូវអត្ថប្រយោជន៍ជាច្រើនដល់សុខភាពទាំងមូល មិនថាស្បែក ឬសក់របស់យើងនោះទេ ប៉ុន្តែការញ៉ាំតែបៃតងខុសពេលវេលា វាមិនត្រឹមតែមិនផ្ដល់ផលល្អដល់យើងប៉ុណ្ណោះទេ វាបែរជាបង្កគ្រោះថ្នាក់ដល់សុខភាពរបស់យើងទៅវិញ។ តើគ្នាយើងដឹងទេថា ពេលវេលាណាខ្លះដែលយើងមិនគួរញ៉ាំតែបៃតង?

១. មុនពេលចូលគេង

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងករណីដែលយើងមានបញ្ហាដំណេក ការញ៉ាំតែបៃតងកៀកម៉ោងគេង គឺមិនមែនជាជម្រើសត្រឹមត្រូវឡើយ។ ទោះបីជាតែបៃតង មានសារធាតុរំងាប់អារម្មណ៍បានល្អ ប៉ុន្តែវាមិនអាចធ្វើឲ្យយើងគេងលក់ស្រួលនោះទេ ដោយសារតែវាមានជាតិកាហ្វេអ៊ីន និងអាចបញ្ចេញអ័រម៉ូនមេឡាតូនីន (Melatonin) ដែលកត្តានេះគឺជាហេតុធ្វើឲ្យយើងមិនអាចគេងលក់ស្កប់ស្កល់ពេញមួយយប់ផងដែរ។

២. ញ៉ាំនៅពេលព្រឹកព្រលឹមមុនអាហារផ្សេងៗ

មានគ្នាយើងខ្លះជឿថា ការញ៉ាំតែបៃតងនៅពេលពោះទទេ នឹងអាចចាប់ផ្ដើមការធ្វើមេតាប៉ូលីសបានល្អ ប៉ុន្តែវាមិនដូចជាអ្វីដែលយើងគិតនោះទេ។ សារធាតុប្រឆាំងអុកស៊ីតកម្ម និងប៉ូលីហ្វេណុល ដែលមាននៅក្នុងតែបៃតង នឹងបង្កើនការផលិតអាស៊ីដក្រពះ ដែលអាចធ្វើឲ្យយើងកើតមានអាការៈឈឺពោះថែមទៀតផង។

៣. ក្រោយញ៉ាំថ្នាំភ្លាមៗ

ប្រសិនបើគ្នាយើងមួយចំនួនមានទម្លាប់លេបថ្នាំជាមួយនឹងតែបៃតង ចូរបញ្ឈប់ជាបន្ទាន់។ ការញ៉ាំតែបៃតងជាមួយ ឬក្រោយពេលញ៉ាំថ្នាំហើយភ្លាមៗ វាអាចបង្កគ្រោះថ្នាក់ដល់យើងបានផងដែរ។ សារធាតុគីមីដែលមាននៅក្នុងថ្នាំ អាចនឹងមានប្រតិកម្មជាមួយនឹងតែបៃតង ដែលអាចបង្កឲ្យមានជាតិអាស៊ីដនៅក្នុងរាងកាយរបស់យើងកាន់តែច្រើនឡើង។

៤. ញ៉ាំជាមួយអាហារ ឬក្រោយញ៉ាំអាហារភ្លាមៗ

ថ្វីត្បិតតែបៃតង ជួយបង្កើនការរំលាយអាហារក៏ពិតមែន ប៉ុន្តែប្រសិនបើយើងញ៉ាំតែបៃតងជាមួយ ឬក្រោយញ៉ាំអាហារហើយភ្លាមៗ វាអាចកាត់បន្ថយនូវការស្រូបយកសារធាតុចិញ្ចឹមពីអាហារ ដែលកត្តានេះ អាចបង្កើតជាកង្វះសារធាតុចិញ្ចឹមនៅក្នុងរយៈពេលវែងផងដែរ។ ហេតុនេះហើយ ចូរញ៉ាំតែបៃតងយ៉ាងហោចណាស់មួយម៉ោងក្រោយញ៉ាំអាហារ ទើបជាការប្រសើរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ដឹង​អត់​ថា​ពេល​វេលា​ទាំង​នេះ​ មិន​ស័ក្ដិសមញ៉ាំ​តែ​បៃតង​?

១. មុន​ពេល​ចូល​គេង

២.​ ញ៉ាំ​នៅ​ពេល​ព្រឹក​ព្រលឹម​មុន​អាហារ​ផ្សេង​ៗ

៣. ក្រោយ​ញ៉ាំ​ថ្នាំ​ភ្លាមៗ

៤. ញ៉ាំ​ជាមួយ​អាហារ​ ឬ​ក្រោយ​ញ៉ាំ​អាហារ​ភ្លាម​ៗ

In Case You Missed It

ដឹងអត់ថាពេលវេលាទាំងនេះ មិនស័ក្ដិសមញ៉ាំតែបៃតង?

១. មុនពេលចូលគេង

២. ញ៉ាំនៅពេលព្រឹកព្រលឹមមុនអាហារផ្សេងៗ

៣. ក្រោយញ៉ាំថ្នាំភ្លាមៗ

៤. ញ៉ាំជាមួយអាហារ ឬក្រោយញ៉ាំអាហារភ្លាមៗ