បង្កការភ្ញាក់ផ្អើល! ក្រោយអ្នកគាំទ្រប្រទះឃើញ មិត្តកាលពីក្មេងម្នាក់របស់ Jin ជាតារាហូលីវូដដ៏ល្បី

កូរ៉េខាងត្បូង ៖ អ្នកនិយមលេងអ៊ីនធើណែត ទើបតែបានរកឃើញរូបថតរបស់ Jin​ សមាជិកក្រុម BTS ពេលដែលតារាប្រុសរូបនេះនៅក្មេង ហើយបានថតរូបជាមួយនឹងមិត្តភ័ក្តរបស់លោក ៣នាក់ទៀត ដែលម្នាក់ក្នុងនោះជាតារាហូលីវូដដ៏ល្បី ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ អ្នកនិយមលេងអ៊ីនធើណែត ក៏ដូចជាអ្នកគាំទ្រ ស្រាប់តែស្រឡាំកាំង ក្រោយប្រទះឃើញរូបភាពរបស់ Jin ថតជាមួយនឹង Mitchell Hope ដែលត្រូវបានគេស្គាល់ថា ជាតារាម៉ូដែល និងតារាសម្តែងជនជាតិអូស្ត្រាលីដ៏ល្បី។

គួរបញ្ជាក់ផងដែរថា កំឡុងពេលនោះគឺ Jin បានទៅប្រទេសអូស្ត្រាលី ដើម្បីហ្វឹកហាត់ភាសាមួយចំនួន កំឡុងពេលដែលលោកនៅក្មេង ហើយរូបថតមួយនោះ បានថតនៅពេលវិស្សមកាល។

ក្រោយប្រទះរូបភាពនេះ អ្នកគាំទ្រ និងអ្នកនិយមលេងអ៊ីនធឺណែត បានបញ្ចេញមតិដូចជា ៖

“វាពិតជាអស្ចារ្យមែន គេតែងនិយាយថាមនុស្សដែលសង្ហា តែងតែជួបជាមួយនឹងមនុស្សសង្ហា!” ។

“វាពិតជាឡូយណាស់ ពួកគេគួរឲ្យស្រលាញ់ណាស់” ។

“តើប្រុសម្នាក់នោះ សម្តែងជាតួព្រះអង្គម្ចាស់ នៅក្នុងរឿង Descendants មែនទេ! ខ្ញុំចូលចិត្តរឿងនោះណាស់” ។

“វាពិតជាគួរឲ្យចាប់អារម្មណ៍ណាស់!” ។

“ជីវិតរបស់ Kim Seokjin ពិតជាដូចជារឿងនិទានយ៉ាងអញ្ចឹង!” ។

ត្រូវហើយ រឿងនេះវាពិតជាអស្ចារ្យណាស់​! ពួកគេទទួលបាននូវភាពជោគជ័យ និងល្បីល្បាញព្រមគ្នា!

សង្ឃឹមថាថ្ងៃណាមួយពួកគេនឹងបានជួបគ្នាម្ដងទៀត៕

• តារាកូរ៉េ