Zayn Malik ឈប់និយាយរកប្អូនស្រី ក្រោយនាងរៀបការជាមួយបុរសម្នាក់ទើបចេញពីពន្ធនាគារ

បរទេស៖ កាលពីថ្មីៗនេះ មានរឿងរ៉ាវផ្ទុះក្នុងបណ្តាញសង្គម ដោយសារតែលឺថា តារាចម្រៀង Zayn Malik មិននិយាយរកប្អូនស្រី សូម្បីតែមួយម៉ាត់ ក្រោយពីនាង បានចូលរោងការជាមួយបុរសម្នាក់ ដែលទើបតែចេញពីពន្ធនាគារថ្មីថ្មោង។

ដោយឡែក ប្រភពដែលនៅជិតស្និទ្ធជាមួយ តារាប្រុសរូបនេះ បានបង្ហើបថា លោកមិនបានធ្វើការប្រាស្រ័យទាក់ទងបន្តិចបន្តួចទៅប្អូនស្រីបង្កើតឈ្មោះ Waliyha Malik និងប្អូនថ្លៃឈ្មោះ Junaid Khan ដែលទើបនឹងរៀបការកាលពីចុងឆ្នាំ២០២០ រឹតតែមិនជូនកាដូសូម្បីតែបន្តិចបន្តួច រួមទាំងពាក្យជូនពរផងដែរ ដោយសារតែខឹងនឹងប្អូនស្រីខ្លាំង ក្រោមមូលហេតុដែលសម្រេចចិត្តរៀបការជាមួយបុរសម្នាក់ ដែលធ្លាប់ជាប់ចោទជាអតីតឧក្រិដ្ឋជនម្នាក់ ថែមទាំងទើបតែចេញពីពន្ធនាគារទៀតផង។ ប៉ុន្តែអ្វីដែលកាន់តែហួសចិត្ត គឺឪពុកខាងប្រុសវិញ ក៏បានចូលរួមពិធីមង្គលការនេះដែរ ប៉ុន្តែមិនបានទទួលស្គាល់នូវអាពាហ៍ពិពាហ៍គូស្វាមីភរិយាថ្មីមួយគូនេះទេ ធ្វើឲ្យ Zayn Malikនិង ឪពុកស្ទើរតែទ្រាំមិនបាន នូវសកម្មភាពមិនសមរម្យរបស់ ដន្លងខាងប្រុសនេះផងដែរ ប៉ុន្តែដោយខ្ជិលបង្ករឿងឪកូនទាំងពីរក៏មិនបានតបតអ្វីនោះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញចំពោះគ្រួសារទាំងសងខាងមើលទៅ ហាក់បីដូចជាមិនពេញចិត្តនូវមង្គលការនេះឡើយ ប៉ុន្តែប្រហែលជាដោយសារតែកូនៗស្រលាញ់គ្នា ទើបបានជាមិនធ្វើការជំទាស់ដាច់អហង្កាដែរ។

គួររម្លឹកដែរថា ប្អូនថ្លៃ Zayn Malik ឈ្មោះថា Junaid Khan ធ្លាប់ជាប់ពន្ធធនាគារនៅឆ្នាំ២០១៧ ពីបទប្លន់រថយន្តពីស្ត្រីម្នាក់នៅតាមដងផ្លូវ៕

សូមចូលទស្សនារូបភាពខាងក្រោម៖

• យុវវ័យ
• គ្រួសារ
• ស្នេហា
• តារាអន្តរជាតិ