កូរ៉េខាងត្បូង ៖ ថ្ងៃនេះមានព័ត៌មានដ៏រំជួលចិត្តមួយ សម្រាប់អ្នកគាំទ្រ Kpop ជាពិសេសគឺអ្នកគាំទ្រក្រុម GOT7 តែម្តង ដោយសារតែលេចលឺដំណឹង ការចាកចេញពី ផលិតកម្ម JYP Entertainment របស់សមាជិកក្នុងក្រុម ក្រោយចប់កិច្ចសន្យា។
នៅថ្ងៃទី ០៦ ខែ មករា ឆ្នាំ ២០២១ នេះ យោងតាមរបាយការណ៍ផ្តាច់មុខពី SPOTV តារាចម្រៀងប្រុស Yugyeom គ្រោងនឹងចុះកុងត្រាផ្តាច់មុខថ្មី ជាមួយផលិតកម្ម AOMG នៅពេលដែលកិច្ចសន្យាផ្តាច់មុខរបស់លោក ជាមួយនឹងផលិតកម្ម JYP Entertainment ផុតកំណត់ នៅចុងខែមករានេះ។
គួរបញ្ជាក់ផងដែរថា កិច្ចសន្យារបស់ GOT7 ជាមួយផលិតកម្ម JYP Entertainment នឹងត្រូវផុតកំណត់នៅខែ មករា នេះហើយ Yugyeom គឺជាសមាជិក GOT7 ទី ២ ដែលត្រូវបានគេរាយការណ៍ថា កំពុងចាកចេញពីផលិតកម្ម JYP ដោយ Jinyoung បានចុះកុងត្រាជាមួយនឹង ភ្នាក់ងារសម្តែងរបស់ BH Entertainment។
អ្វីដែលកាន់តែគួរឲ្យចាប់អារម្មណ៍នោះគឺ សមាជិកដែលមានអាយុច្រើនជាងគេ Mark ក៏បានបង្ហោះសារក្នុង IG story ប្លែកៗផងដែរ ដែលក្នុងនោះបានសរសេរថា ៖
ហេតុនេះហើយបានជា អ្នកគាំទ្រជាច្រើនមានការព្រួយបារម្ភ អំពីអនាគតរបស់ក្រុម GOT7 ថាអាចនឹងបំបែកក្រុម ឬមួយក៏យ៉ាងណា?
តែទោះជាយ៉ាងណា ខាងផលិតកម្មបានបញ្ជាក់ថា ពួកគេកំពុងតែពិភាក្សាអំពីកិច្ចសន្យា ដែលអាចនឹងបន្តក្រុម នៅជា GOT7 ទោះជាពួកគេ នៅភ្នាក់ងាផ្សេងគ្នាក៏ដោយ។
ក្នុងនោះ អ្នកគាំទ្រនាំគ្នាបញ្ចេញមតិដូចជា ៖
“ពេលដែលខ្ញុំឃើញព័ត៌មាននេះ ខ្ញុំមានអារម្មណ៍មិនល្អសោះ” ។
“ខ្ញុំមិនចង់ឲ្យពួកគេបំបែកក្រុមនោះទេ!” ។
“សូមឲ្យពួកគេទាំង ៧នាក់បាននៅជាមួយគ្នាផងចុះ” ។
“ខ្ញុំចង់ឲ្យ Yugyeom បាននៅជាមួយនឹង សមាជិកបងៗរបស់គាត់!” ។
“មិនចង់ឃើញបែបនេះមិនចង់ឲ្យកុងត្រាបញ្ចប់ទេ!” ។
“ខ្ញុំនៅតែគាំទ្រការសម្រេចចិត្តរបស់អ្នកជានិច្ច គ្រាន់តែខ្ញុំសង្ឃឹមថា អ្នកនឹងបាននៅជុំគ្នាបន្តទៀតប៉ុណ្ណោះ!” ។
“ចឹង! តើពួកគេនឹងបំបែកក្រុមដែរឬទេ?” ៕
តើអនាគតរបស់ GOT7 នឹងទៅជាយ៉ាងណា? មានតែរង់ចាំមើលបន្តទៅទៀត!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
