ទាំងនេះជាហេតុផលដែល អ្នកធ្លាប់តែមិនចូលចិត្ត BTS ប្រែមកជាស្រលាញ់ និងគាំទ្រពួកគេវិញ!

កូរ៉េខាងត្បូង ៖ ជាការពិតណាស់ ភាពល្បីល្បាញរបស់ក្រុម BTS សព្វថ្ងៃ គឺពិតជាខ្លាំងក្លាណាស់ ទាំងក្នុងនិងក្រៅប្រទេស តែមុនពេលដែលពួកគេទទួលបានជោគជ័យដូចសព្វថ្ងៃនេះ ក៏ទទួលរងនូវការមិនពេញចិត្តជាច្រើន តែអ្នកទាំងនោះ បានប្រែក្លាយមកជាគាំទ្រពួកគេវិញ នាពេលបច្ចុប្បន្ន ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះ ក្រុមតារាចម្រៀង BTS បានបង្កើនឥទ្ធិពលយ៉ាងខ្លាំង នៅប្រទេសកូរ៉េ ព្រមទាំងមានអ្នកគាំទ្រ ARMYs សឹងតែពេញពិភពលោក ដែលជួយឲ្យពួកគេបំបែកកំណត់ត្រាជាច្រើន នៅក្នុងប្រវត្តិសាស្ត្រតន្រ្តី Kpop ។

ទន្ទឹមនឹងនេះ ក៏មានគណនីមួយ មានឈ្មោះថា Ideasforgoodusername បាន ស្នើសុំឱ្យអតីត Anti BTS (អ្នកដែលធ្លាប់ស្អប់ ឬមិនចូលចិត្តBTS) ចែករំលែករឿងរ៉ាវរបស់ពួកគេ ថាហេតុអីបានជា ពួកគេប្តូរពីការស្អប់មកជាការស្រលាញ់និងគាំទ្រវិញ ។

ក្នុងនោះ អតីត Anti BTS ទាំង ៥ ក៏បានចែករំលែកថា ៖

១. អតីត Anti BTS ទី ១

“ដំបូងខ្ញុំមិនបានចាប់អារម្មណ៍ពួកគេនោះទេ ដោយគិតថាបទចម្រៀងរបស់ពួកគេគឺធម្មតា តែក្រោយពេលដែលពួកគេ បានមកធ្វើការប្រគុំតន្រ្តីនៅក្នុងប្រទេសរបស់ខ្ញុំ មានសារព័ត៌មានជាច្រើនបានចុះផ្សាយ ហើយថែមទាំងមានការស្ទះចរាចរណ៍ជាខ្លាំង ព្រោះតែអ្នកគាំទ្រ ក្រោយមកខ្ញុំចង់ដឹងអំពីបទចម្រៀងរបស់ពួកគេ ដោយសារតែឃើញ ARMY ទាំងនោះបានស្រែកពាក្យថា “Fake Love” បន្ទាប់ពីខ្ញុំបានស្តាប់បទចម្រៀង និងការសម្តែងរបស់ពួកគេហើយ ខ្ញុំចាប់ផ្តើមចូលចិត្ត ហើយថ្ងៃមួយខ្ញុំបានសម្រេចចិត្តថា ខ្ញុំចង់រៀនចងចាំ ឈ្មោះរបស់ពួកគេ។”

Anti BTS ទី ១

២. អតីត Anti BTS ទី ២

“ខ្ញុំជាអ្នកគាំទ្ររបស់ក្រុម EXO ហើយកាលពីឆ្នាំ ២០១៥ ទៅ ២០១៦ ក្រុម BTS មានការប្រកួតប្រជែងជាខ្លាំង ជាមួយនិងក្រុម EXO ហើយខ្ញុំក៏មានផ្នត់គំនិត ក្នុងការស្អប់ក្រុម BTS ដែរ តែក្រោយពែលដែលខ្ញុំបានមើល បទ Blood Sweat and Tears រួចមក សមាជិកដែលមានសក់ពណ៍ទឹកក្រូច បានទាក់ទាញចំណាប់អារម្មណ៍របស់ខ្ញុំយ៉ាងខ្លាំង ដំបូងខ្ញុំគ្រាន់តែចង់ដឹងឈ្មោះរបស់គាត់តែប៉ុណ្ណោះ តែពេលនេះគាត់ជា Bias របស់ខ្ញុំ គាត់គឺ Jhope ។”

Anti BTS ទី ២

៣. អតីត Anti BTS ទី ៣

Anti BTS ទី ៣

៤. អតីត Anti BTS ទី ៤

“និយាយតាមត្រង់ ខ្ញុំគ្រាន់តែស្អប់ក្រុម BTS ព្រោះតែស្អប់! ដូចអ្នកដែលស្អប់ BTS ភាគច្រើនពួកគេគ្រាន់តែស្អប់ BTS ដោយគ្មានហេតុផល ហើយនោះជារបៀបដែលខ្ញុំធ្លាប់មាន។ វាបានផ្លាស់ប្តូរនៅកំឡុងខែ សីហា ឆ្នាំ ២០២០ បន្ទាប់ពីខ្ញុំក្លាយទៅជាអ្នកគាំទ្រក្រុម BLACKPNK ក្រោយមកខ្ញុំក៏សាកស្តាប់បទចម្រៀងរបស់ BTS ហើយក៏ក្លាយទៅជា ARMY ម្នាក់ដែរ។ មនុស្សគ្រប់គ្នានិយាយថា ការដាក់ឱ្យនៅដាច់ដោយឡែកពីគ្នាក្នុងឆ្នាំ ២០២០នេះ គឺជាពេលវេលាដ៏អាក្រក់បំផុតនៃជីវិតរបស់ពួកគេ ប៉ុន្តែមិនមែនសម្រាប់ខ្ញុំទេ ពីព្រោះនោះជាពេលដែលខ្ញុំចូលចិត្ត K-Pop ហើយវាជាជម្រើសដ៏ល្អសម្រាប់ខ្ញុំ ដែលបានមើលការសម្តែង និងស្ដាប់បទចម្រៀងរបស់ពួកគេរាល់ថ្ងៃ។”

Anti BTS ទី ៤

៥. អតីត Antis BTS ទី ៥

ខ្ញុំគឺជាអ្នកគាំទ្រដ៏ងប់ងល់ ជាមួយនឹងក្រុម BIGBANG និង សិល្បកររបស់ YG Entertainment ទាំងអស់ តែថ្ងៃមួយពេលដែលខ្ញុំបានមើលកម្មវិធី Music Show ស្រាប់តែវាលោតឈ្មោះក្រុម BangTan មក។ ខ្ញុំគិតថាពួកក្មេងៗទាំងនេះជាអ្នកណា ព្រោះក្នុង Kpop នៅពេលនោះ គឺមានតែក្រុម BIGBANG ប៉ុណ្ណោះដែលជាក្រុម HipHop ពិតប្រាកដ ប៉ុន្តែក្រោយមកពេលដែលខ្ញុំបានស្តាប់បទ Cypher Pt. 4 បទ Outro: Tear ព្រមជាមួយនិងបទ Hip Hop Lover វាពិតជាធ្វើឲ្យខ្ញុំភ្ញាក់ផ្អើលយ៉ាងខ្លាំង នេះហើយជា HipHop ពិតប្រាកដ បើអ្នកនិយាយថា បទទាំងនេះមិនមែន HipHop មកវៃខ្ញុំចុះ មិនត្រឹមតែប៉ុណ្ណោះ បទចម្រៀងផ្សេងៗរបស់ពួកគេ ក៏មានការអប់រំជាច្រើននៅក្នុងនោះ ប្រហែលជានេះហើយជាហេតុផលដែលពួកគេ ទទួលបានជោគជ័យខ្លាំងនាពេលបច្ចុប្បន្ន ៕

Anti BTS ទី ៥

តារាកូរ៉េ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ទាំងនេះជាហេតុផលដែល អ្នកធ្លាប់តែមិនចូលចិត្ត BTS ប្រែមកជាស្រលាញ់ និងគាំទ្រពួកគេវិញ!

In Case You Missed It