៦ឆ្នាំ ទម្រាំបញ្ចប់រឿងក្ដីជាមួយសង្សាចាស់ Kim Hyun Joong ធ្លាក់ខ្លួន មានជំងឺនេះទៅហើយ!

កូរ៉េខាងត្បូង ៖ កាលពីទី៤ ខែ មករា ឆ្នាំ ២០២១ កន្លងទៅថ្មីៗនេះ នៅក្នុងភាគមួយនៃកម្មវិធី Ask Us Anything Fortune Teller របស់ស្ថានីយ៍ទូរស្សន៍ KBS តារាប្រុស Kim Hyun Joong បានបង្ហាញខ្លួនជាលើកដំបូង បន្ទាប់ពីបាត់មុខអស់ រយៈពេល ៣ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ខណៈពេលដែលមិនបានឡើងកម្មវិធីទទូរស្សន៍ អស់មួយរយៈធំហើយនោះ យើងសង្កេតឃើញថាទឹកមុខរបស់ Kim Hyun Joong លោកហាក់មិនសូវស្រស់ស្រាយសោះ ដូចជារឹងៗខ្លួន និងដូចជាភ័យៗ។

ជាការពិតណាស់ តារាប្រុសរូបនេះបាននិយាយរៀបរាប់ថា លោកមានអារម្មណ៍ថា មិនស្រួលចិត្ត ព្រោះតែរឿងក្ដី ជាមួយអតីតមិត្តស្រីរបស់លោក លោកខ្លាចថាមហាជន ជាពិសេសបណ្តាហ្វេនៗ អាចនឹងរើសអើងចំពោះរូបលោក ពាក់ព័ន្ធនឹងរឿងក្ដី រយៈពេល ៦ឆ្នាំមកនេះ។

ខ្ញុំមានការព្រួយបារម្ភ អំពីអ្វីដែលគ្រប់គ្នាគិត។ ខ្ញុំយល់ថា ខ្ញុំបានធ្វើខុស ហើយរាល់យប់ខ្ញុំតែងសុបិន្តអាក្រក់។ ពេលនៅជាមួយគ្រួសារមិនអីទេ ប៉ុន្តែនៅចំពោះមុខមនុស្សចម្លែកៗ ខ្ញុំតែងតែប្រុងប្រយ័ត្នជានិច្ច។ ខ្ញុំបារម្ភថា ពួកគេអាចនឹងរិះគន់ខ្ញុំ។ ខ្ញុំមិនអាចមានទំនាក់ទំនងជាមួយអ្នកស្គាល់គ្នា នៅក្នុងឧស្សាហកម្មកម្សាន្តនេះទេ ព្រោះខ្ញុំគិតថាវត្តមានរបស់ខ្ញុំ អាចនឹងធ្វើឱ្យប៉ះពាល់ដល់អ្នកដទៃ។ ពួកគេអាចនឹងរាប់អានជាមួយខ្ញុំទេ? ដូច្នេះគំនិតល្ងង់ៗទាំងនោះ ធ្វើឲ្យខ្ញុំគិតថា ខ្ញុំអាចក្លាយជាមនុស្សដែល គេមើលងាយ ព្រោះតែរឿងក្ដីមួយរយៈមួយមកនេះ។ ខ្ញុំបានវិវត្តទៅរក ជំងឺភ័យស្លន់ស្លោដោយសារតែ ការកោះហៅមិនចេះចប់មិនចេះហើយ។

Kim Hyun Joong

តារាកូរ៉េ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

៦ឆ្នាំ ទម្រាំបញ្ចប់រឿងក្ដីជាមួយសង្សាចាស់ Kim Hyun Joong ធ្លាក់ខ្លួន មានជំងឺនេះទៅហើយ!

In Case You Missed It