ភរិយាល្អ! ប្តីទាល់លុយ សាន់ឆាយ មិនមើលនឹងភ្នែក ដាក់លក់ខុនដូភ្លាម

តៃវ៉ាន់៖ យោងតាមប្រភពព័ត៌មានរបស់ប្រទេសចិន តារាសម្តែងស្រី និងជាពិធីករ Barbie Hsu បានដាក់លក់ផ្ទះរបស់នាង នៅលើគេហទំព័រលក់អចលនៈទ្រព្យចាប់តាំងពីចុងឆ្នាំ ២០១៩ មកម៉្លេះ ដែលមានតម្លៃជាង ៨ លានដុល្លារ។ យ៉ាងណាមិញ អចលនទ្រព្យមានការលំបាកលក់ចេញ ដោយសារការរីករាលដាលជំងឺកូវីដ១៩។

ទៀតសោត ជាចុងក្រោយ អាផាតមិនដែលមានទីតាំងនៅស្រុក Xinyi ក្នុងទីក្រុងតៃប៉ិមួយនេះ ត្រូវបានលក់ចេញ ដែលគេ ត្រូវបានរាយការណ៍មកថា ខុនដូមួយនេះ គឺជាផ្ទះចំណោមអចលនទ្រព្យឯកជនចំនួន ៣ របស់តារាស្រីរូបនេះដែលមានតម្លៃថ្លៃ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះផងដែរ ខុនដូប្រណីតនេះត្រូវបានឲ្យដឹងថា មានការដេគ័រ ររចនាយ៉ាងល្អិតល្អន់ជាមួយគ្រឿងសង្ហារឹមលំដាប់ខ្ពស់។ ផ្ទះនេះមានទីតាំងស្ថិតនៅជាន់ទី ១៩ នៃអគារដែលបានសាងសង់ក្នុងឆ្នាំ ២០១១ ដែលមានផ្ទៃដីជិត ៦០០ ម៉ែតការេ អ្វីដែលពិសេសនោះ វាមានពីរយូនីតដាច់ដោយឡែក។

យ៉ាងណាមិញតាមប្រភពដដែលបានបន្ថែមថា ការលក់ផ្ទះផ្ទាល់ខ្លួនរបស់នាងមួយនេះ មានគោលបំណងជួយទៅដល់ការរកស៊ីរបស់ស្វាមីរបស់នាង បានបើកជំនួញខាងសណ្ឋាគារ ដែលកំពុងជួបការលំបាកយ៉ាងខ្លាំងក្នុងវិបត្តិហរិញ្ញវត្ថុ ក៏ព្រោះតែរដូវកាលកូវីដ១៩ ផងដែរ៕​

សូមទស្សនារូបភាពខាងក្រោម៖

• តារាចិន