អបអរសាទរផង! ទីបំផុតលោក Elon Musk វ៉ាដាច់ម្ចាស់ក្រុមហ៊ុន Amazon ក្លាយជាអ្នកមានជាងគេនៅលើពិភពលោក

បរទេស៖ បន្ទាប់ពីតម្លៃភាគហ៊ុនរបស់ក្រុមហ៊ុន Tesla បានកើនឡើងជាថ្មីម្តងទៀតកាលពីថ្ងៃព្រហស្បតិ៍នេះ លោក Elon Musk បានក្លាយជាអ្នកមានបំផុតនៅលើពិភពលោក។ ឥឡូវគាត់មានទ្រព្យច្រើនជាង185ពាន់លានដុល្លារឯណោះ។ នាយកប្រតិបត្តិក្រុមហ៊ុន Amazon លោក Jeff Bezos បានឈរនៅលំដាប់កំពូលតាំងពីឆ្នាំ2017មកម្ល៉េះ ប៉ុន្តែទ្រព្យសម្បត្តិ 184ពាន់លានដុល្លាររបស់គាត់គឺមិនគ្រប់គ្រាន់ដើម្បីរារាំង លោក Musk ឱ្យវ៉ាដាច់គាត់នោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រហែលមួយឆ្នាំមុន ទ្រព្យសម្បត្តិ net worth របស់លោក Musk មានប្រហែល 27ពាន់លានដុល្លារដែលមិនគ្រប់គ្រាន់ក្នុងការជាប់ចំណាត់ថ្នាក់ក្នុងចំណោមអ្នកមានបំផុតទាំង 50នាក់នៅលើពិភពលោកនៅពេលនោះឡើយ។ តម្លៃភាគហ៊ុនរបស់ក្រុមហ៊ុន Tesla បានកើនឡើងខ្ពស់ជាងប្រាំបួនដងចាប់តាំងពីពេលនោះមក។ នៅវេលាថ្ងៃត្រង់នៅថ្ងៃព្រហស្បតិ៍នេះ វាបានកើនឡើងជាងប្រហែលប្រាំមួយភាគរយច្រើនជាងពីថ្ងៃមុន។

មូលធននីយកម្មទីផ្សាររបស់ក្រុមហ៊ុន Amazon ចំនួន 1.6ទ្រីលានដុល្លារគឺខ្ពស់ជាងដើមទុនរបស់ក្រុមហ៊ុន Tesla ប្រមាណ 760ពាន់លានដុល្លារឯណោះ។ ទោះយ៉ាងណាតម្លៃភាគហ៊ុនរបស់ក្រុមហ៊ុន Amazon និងទ្រព្យសម្បត្តិរបស់លោក Bezos គឺនៅទ្រឹងក្នុងប៉ុន្មានខែថ្មីៗនេះចំពេលមានការឃ្លាំមើលកាន់តែខ្លាំងពីក្រុមនិយតករ៕

• ជំនួញ